Dainik Maval News : ‘डेना इंडिया टेक्निकल सेंटर प्रा. लि. हिंजवडी’ यांच्या सामाजिक उत्तरदायित्व (CSR) उपक्रमांतर्गत जिल्हा परिषद प्राथमिक शाळा, ओवळे या नूतन इमारतीचा भव्य उद्घाटन सोहळा सोमवारी (दि. 31 ऑगस्ट) पार पडला. आमदार सुनील शेळके यांच्या प्रमुख उपस्थितीत हा कार्यक्रम संपन्न झाला.
मावळच्या ग्रामीण भागातील लहानातील लहान बालकांना सुरक्षित, सुंदर आणि आनंददायी शैक्षणिक वातावरण उपलब्ध होत असल्याचा विशेष आनंद आहे. रस्ते, वीज, पाणी आणि इमारती ही भौतिक विकासाची कामे आवश्यक आहेतच; परंतु आपली पुढची पिढी घडवणारे दर्जेदार शिक्षण हेच खऱ्या अर्थाने समाजाच्या शाश्वत विकासाचे मुख्य साधन आहे, असे मत यावेळी आमदार शेळके यांनी व्यक्त केले.
ग्रामीण भागातील मुलांनाही शहरातील विद्यार्थ्यांप्रमाणेच उच्च दर्जाच्या सुविधा मिळणे ही आपली सर्वांची सामूहिक जबाबदारी असून, उद्योग क्षेत्राने आपल्या परिसरातील शिक्षण, आरोग्य आणि सामाजिक विकासासाठी असा पुढाकार घेणे ही अत्यंत कौतुकास्पद बाब असल्याचेही त्यांनी नमूद केले.
या वर्षी मावळ तालुक्यातील ५० शाळांचा ‘स्मार्ट शाळा’ उपक्रमांतर्गत कायापालट व विकास केला जात आहे. या प्रसंगी डेना इंडियाचे व्यवस्थापकीय संचालक (MD) रघु मुतीगे, HR हेड सुशील दरक, सभापती सुनिताताई येवले, नितीनदादा मुऱ्हे, मनोजदादा येवले यांच्यासह ग्रामस्थ, शिक्षक आणि विद्यार्थी मोठ्या संख्येने उपस्थित होते.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा
– लोणावळ्यातील पूरग्रस्तांच्या मदतीसाठी टाटा कंपनीचे अधिकारी, जिल्हाधिकारी आणि आमदार सुनील शेळके यांच्या उपस्थितीत महत्त्वपूर्ण बैठक
– कार्ला फाट्याजवळील वाकसई गावाच्या हद्दीत भीषण अपघात ; भरधाव कार थेट ओढ्यात कोसळली, दोघांचा मृत्यू
– मावळकरांचा लाडका ‘ओम्या’ काळाच्या पडद्याआड ; बैलगाडाशौकीनांमध्ये दुःखाची लाट, ‘भारतकेसरी ओम्या’ बैलाचे निधन
– मावळ तालुक्यातील शासकीय आरोग्य व्यवस्थेचे तातडीने ऑडिट करा ; आरोग्याच्या प्रश्नावर भाजपा आक्रमक
