Dainik Maval News : हिंजवडी येथील प्रसिद्ध अध्यापक आणि कुंभार समाज सामाजिक संस्था महाराष्ट्र प्रदेशचे सरचिटणीस संजीव बाबूराव भालेराव यांचे सुपूत्र जीवन भालेराव यांनी रशिया येथून एमबीबीएस ही पदवी प्राप्त केली आहे. अत्यंत खडतर परिस्थितीत परदेशात जाऊन जिद्द, चिकाटी आणि मेहनतीच्या जोरावर जीवन यांनी हे यश मिळविले आहे. त्यांच्या यशाचे सर्वत्र कौतूक होत आहे.
कुंभार समाज हा महाराष्ट्रातील एक लहान समाज आहे. परंतु सामाजिक घटकात त्याचे स्थान महत्वाचे आहे. खडतर परिस्थितीत या समाजातील मुले शिक्षण घेऊन पुढे येत आहेत. डॉ. जीवन भालेराव हे याचेच एक उदाहरण आहे. जीवन यांनी मिळविलेल्या यशाने कुंभार समाजातील मुलांसमोर एक नवा आदर्श उभा केला आहे.
याबद्दल कुंभार सामाजिक संस्थेचे संस्थापक अध्यक्ष तथा पिंपरी-चिंचवड महापालिकेचे माजी सभापती सतीश दरेकर, कुंभार समाज सामाजिक संस्थेचे अध्यक्ष रमाकांत क्षीरसागर, पुणे जिल्हा कुंभार समाजोन्नती मंडळाचे अध्यक्ष बाबाजी कुंभार यांनी जीवन आणि त्यांच्या पालकांचे अभिनंदन केले आहे. तसेच श्री संत गोरोबाकाका गणपती विक्री स्टॉल मंडळ डांगे चौक थेरगाव या मंडळांच्या सभासदांनीही डॉ. जीवन यांचा शाल श्रीफळ व पुष्पगुच्छ देऊन सन्मान केला व त्यांच्या आई-वडिलांचे देखील अभिनंदन केले.
आई-वडिलांकडून ज्ञानदानासह समाजसेवा
डॉ. जीवन यांच्या यशात त्यांचे आई-वडील वर्षा भालेराव आणि संजीव भालेराव यांच्या संघर्षाचा मोलाचा वाटा आहे. वर्षा भालेराव व संजीव भालेराव हे दोघेही गेली 25 वर्षांपासून हिंजवडी, चांदखेड याठिकाणी ‘जय कोचिंग क्लासेस’च्या माध्यमातून विद्यार्थ्यांची जडणघडण करीत आहेत. गरजू विद्यार्थ्यांना शालेय साहित्य, सायकल यांची मदत करतात, सोबत शुल्क भरण्याची अडचण असलेल्या मुलांना मोफत शिक्षण देऊन सामाजिक सेवा करीत आहेत. आतापर्यंत त्यांच्या मार्गदर्शनाखाली घडलेले अनेक विद्यार्थी सीआयडी, आयपीएस, पीएसआय, तलाठी आदी शासकीय पदावर काम करीत आहे. यानंतर आता त्यांचा स्वतःचा मुलगा देखील परदेशात शिक्षण घेऊन डॉक्टर झाला असून हा त्यांच्यासाठी सर्वोच्च आनंदाचा क्षण आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– किल्ले लोहगडाकडे जाणारा रस्ता अरूंद आणि धोकादायक ! तातडीने रुंदीकरण, डागडुजी करण्याची मागणी । Lohgad Fort
– मोठी बातमी ! लोणावळासह मावळ परिसरात येणाऱ्या पर्यटकांच्या सुरक्षिततेसाठी प्रतिबंधात्मक आदेश लागू, वाचा नियमावली
– शेतजमिनीची प्रकरणे मार्गी लावण्याकरीता लवकरच लोकअदालतीचे आयोजन ; काय आहे संकल्पना, वाचा सविस्तर
