वडगाव मावळ शहरातील कबीर मोरे याने राष्ट्रीय जेईई एडव्हान्स परीक्षेत दैदिप्यमान यश मिळवले आहे. कबीर मोरे हा दिवंगत पत्रकार विजयराव मोरे यांचा मुलगा असून आणि सामाजिक कार्यकर्ते अॅड. शिवाजीराव मोरे यांचा पुतण्या आहे. कबीर मोरे याने राष्ट्रीय जेईई एडव्हान्स परीक्षेत राष्ट्रीय स्तरावर 2226 रँक मिळवली आहे. कबीरच्या या यशाबद्दल सध्या त्याच्यावर कौतूकाचा वर्षाव होतो आहे. ( Kabir More From Vadgaon Maval Passed JEE Exam )
या यशासह कबीरला आय.आय.टी. भिलाई इथे इंजिनियरिंग शाखेत (MECHATRONICS) प्रवेश मिळाला आहे, तसेच दिनांक 7 ऑगस्ट 2023 पासून त्याचे आय.आय.टी. भिलाईत नियमित शिक्षण देखील सुरु झाले आहे. खरे तर अत्यंत अवघड समजली जाणारी ही परीक्षा पास होण्यासाठी मुलांना मोठा सराव आणि अभ्यास करावा लागतो, तसेच अनेकांचे मार्गदर्शन घ्यावे लागले.
परंतू कबीरने कोणताही क्लास न लावता सेल्फ स्टडी करुन मिळवलेले हे यश नक्कीच कौतुकास्पद आहे. स्पर्धा परीक्षेतील उज्ज्वल यशाची मोरे परिवाराची परंपरा कबीर याने कायम राखली आहे. त्याच्या या यशात त्याची आई कर्नल रंभाकाकू तसेच बंधू योगीराज आणि यतिराज यांच्यासह संपूर्ण मोरे कुटुंबीयांचा सिंहाचा वाटा आहे. महत्वाची बाब म्हणजे कबीरचे चुलत बंधू शाहूराज संभाजी मोरे हे देखील आयआयटी पवई, मुंबई इथून पास आऊट आहेत. ( Kabir More From Vadgaon Maval Passed JEE Exam )
दैनिक मावळचा व्हॉट्सअॅप ग्रुप जॉइन करण्यासाठी इथे क्लिक करा
अधिक वाचा –
– ज्येष्ठ नागरिक सेलच्या अध्यक्षपदी सामाजिक कार्यकर्ते ॲड. निवृत्ती फलके यांची नियुक्ती । Talegaon Dabhade
– प्रहार रुग्णसेवक संजय गायखे यांना ‘आदिवासी लोकमित्र’ पुरस्कार प्रदान । Vadgaon Maval
– विरोधात बातमी छापली म्हणून? पत्रकाराला बेदम मारहाण; महाराष्ट्रात धक्कादायक प्रकार, पाहा व्हिडिओ