Dainik Maval News : सह्याद्रीच्या डोंगर रांगातील चढाईसाठी अत्यंत कठीण मानला जाणारा लोणावळा जवळील 300 फुटी नागफणी सुळका सांगलीच्या दिव्यांग काजल कांबळे हिने सर केला आहे. तिने आपले हे यश डॉ. बाबासाहेब आंबेडकर यांना समर्पित केले आहे.
लोणावळ्याजवळील कुरवंडे (ता. मावळ) गावाजवळ हा नागफणी सुळका आहे. गावापासून तिने आपल्या मोहिमेची सुरूवात केली. एक-दीड तासांच्या पायपिटीनंतर नागफणी सुळक्याच्या माथ्यावर पोहोचली. 300 फुटी सरळसोट कठीण रॅपलिंग, ओव्हरहँगचा अवघड टप्पा, मनात धडकी भरवणारे सुळक्याचे रूप, 600 फूट ट्रॅव्हर्स याचा साहस अनुभवणे हा ट्रेकचा महत्त्वाचा भाग होता.
एप्रिल महिन्यातील रखरखत्या उन्हात काजलने हा सुळका सर केला. तिच्या पथकामध्ये चेतन शिंदे, राजश्री चौधरी, विनोद महाले, अभय पाटील, संजय सूर्या आदी 25 गिर्यारोहकांचा समावेश होता. काजलने यापूर्वीही वजीर सुळका, हिरकणी कडा, मोरोशीचा भैरवगड, डांग्या सुळका, संडे वन सुळका, मलंग गड, लिंगाणा सुळका, भैरवकडासारखे असे कठीण सुळके सर केले आहेत.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– सहारा ग्रुपवर ईडीची कारवाई ; अॅम्बी व्हॅली सिटी येथे 707 एकर जमीन जप्त, बनावट नावांनी खरेदी केली होती जमीन
– वडगाव मावळ येथे सलग बारा तास महावाचन ; शासकीय कर्मचाऱ्यांकडून महापुरुषांना अनोख्या पद्धतीने अभिवादन
– महत्वाची बातमी : शिधावाटप दुकानदारांच्या कमिशनमध्ये प्रतिक्विंटल 20 रुपये वाढ करण्याचा निर्णय
– मोठी बातमी : नगरपरिषद, नगरपंचायत, औद्योगिक नगरीच्या अध्यक्षांना हटविण्याचे अधिकार आता सदस्यानांच
