कामशेत पोलीस स्टेशनच्या पोलिस हवालदार आणि आणि पोलिस मित्राला मारहाण करुन जखमी करणाऱ्या आरोपींना पकडण्यात कामशेत पोलीस पथक आणि ग्रामसुरक्षा दलाला यश आले आहे. दिनांक 28 जानेवारी रोजी मौजे ताजे गावच्या हददीतील एच.पी. पेट्रोल पंपासमोर घडलेल्या सदर घटनेतील तीनही आरोपींना पोलिसांनी अगदी सिनेस्टाईलने आणि अथक प्रयत्नांनी जेरबंद केले आहे. ( Kamshet Police Succeeded In Arresting Accused Who Escaped After Beating Police Mitra )
पोलिसांनी दिलेल्या माहितीनुसार, दिनांक 28 जानेवारी रोजी मौजे ताजे हद्दीतील एका पेट्रोलपंपासमोर काहीजण लाठ्याकाठ्यांनी मारहाण करुन दहशत निर्माण करत असल्याचे पोलिसांना समजले. त्यानुसार पोलिस तेव्हा घटनास्थळी गेले असता तिथे काहीजण हातात लाठ्या-काठ्या घेऊन असलेले दिसून आले, त्यानुसार पोलिस त्यांच्याजवळ गेले असता त्यातील काही पोलिसांना हवे असलेले गंभीर गुन्ह्यांतील आरोपी असल्याचे दिसून आले. आरोपी दत्ता वाघमारे, मुस्ताफा शेख, मंगेश वाघमारे या तिघांना पोलिसांनी ओळखले आणि त्यांना पकडण्याचा प्रयत्न केला तेव्हा पोलिसांशी झालेल्या झटापटीत आरोपींनी पोलिसांवर दगडफेक करुन मारहाण केली आणि जखमी केले. कामशेत पोलिसचे पोलिस हवालदार राऊळ आणि पोलिस मित्र आसिफ शेख हे यात जखमी झाले.
दैनिक मावळचा व्हॉट्सअॅप ग्रुप जॉइन करण्यासाठी इथे क्लिक करा
सदर घटनेची गंभीर दखल घेत लोणावळा विभागाचे सहाय्यक पोलिस अधिक्षक सत्यसाई कार्तिक यांनी आरोपींचा शोध घेण्याचे आदेश दिले. त्यानुसार पोलिसांनी विविध पथके तयार करुन आरोपींचा शोध सुरु केला. कामशेत पोलिस स्टेशनचे पोलीस निरिक्षक संजय जगताप आणि गुन्ह्याचे तपास अधिकारी आकाश पवार यांच्या सुचनेनुसार आरोपींचा शोध सुरु करण्यात आला. यातील मुस्ताफा शाकीर शेख (वय 19 वर्षे, रा फातीमा नगर भिसेवाडी, कर्जत, जि रायगड) याला पोलिसांनी कामशेत घाटात डोंगरांत मोठ्या शिताफीने पकडला. त्यानंतर आरोपी दत्ता वाघमारे, मंगेश वाघमारे यांचा पोलिसांनी पाठलाग करुन पैकी मंगेश उर्फ मंग्या सखाराम वाघमारे (वय 23 वर्षे रा कोश्याने, कर्जत जि रायगड) याला पोलिस मित्र, ग्रामसुरक्षा दल आदींच्या मदतीने कोंडीवडे, मोरमारेवाडी असा झाडाझुडपातुन, शेतातुन, डोंगरातुन 15 ते 20 किलोमीटरचा परिश्रम करुन पाठलाग करुन त्याच्या मुसक्या आवळल्या आहेत.
कामशेत पोलीस स्टेशनकडील सर्व अधिकारी, स्टाफ तसेच हददीतील नागरीकांचे मदतीने अत्यंत सराईत अशा आरोपींच्या मुसक्या आवळण्यात पोलिसांना यश आले आहे. सदरची कामगीरी अंकित गोयल (पोलीस अधिक्षक, पुणे ग्रामीण), मितेश घटटे (अप्पर पोलीस अधिक्षक) सत्यसाई कार्तिक (सहा. पोलीस अधिक्षक, लोणावळा विभाग) यांच्या मार्गदर्शनाखाली संजय जगताप (पोलीस निरीक्षक, कामशेत) आकाश पवार (सहा. पोलीस निरीक्षक) सहाफौज अब्दुल शेख, पोहवा गणेश तावरे, पोहवा संदीप शिंदे, पोहवा रविंद्र राय, पोहवा दिक्षीत, पोना हनुमंत वाळुंज, पोना प्रविण विरणक, पोना सुहास सातपुते, पोना सचिन निंबाळकर, पोना नितीन कळसाईत, पोना सुनिल गवारी, पोना अनिल हिप्परकर, पोकॉ आशिष झगडे, पोकॉ रविंद्र राउळ, पोकॉ डोईफोडे, मपोकॉ बैरागदार, सर्व नेमणुक कामशेत पोलीस स्टेशन, होमागर्ड लोखंडे, नवनाथ गायखे, ट्राफीक वार्डन प्रशांत कटके, नितेश चव्हाण तसेच सांगिसे, कांब्रे, कोंडीवडे, मोरमारवाडी, साई गावचे पोलीस पाटील आणि ग्रामसुरक्षा दलाचे जवान यांनी केली आहे.
अधिक वाचा –
– कामशेत पोलिसांची जबरदस्त कामगिरी! गंभीर गुन्ह्यातील अट्टल गुन्हेगार जेरबंद, आरोपीकडून पिस्तूलासह जिवंत काडतुसे जप्त
– विधान परिषद निवडणूक : कोकणात झटका तरीही राज्यात मविआचाच डंका, भाजप पराभवाचं चिंतन करणार, पाहा सर्व निकाल
