राष्ट्रीय महामार्ग क्रमांक 04 व 48 वरील देहुरोड बायपास, सेंटर चौक (श्री छत्रपती शिवशंभो चौक) येथून दोन्ही राष्ट्रीय महामार्गाच्या दोन्ही बाजूने 200 मिटर सर्विस रस्ता व साईड पट्टयाची कामे करण्याबाबत भाजपा मावळच्या वतीने प्रचारप्रमुख रविंद्र भेगडे यांनी नाईक मॅडम कार्यकारी अभियंता महाराष्ट्र राज्य रस्ते विकास महामंडळ पुणे व कदम साहेब प्रकल्प संचालक भारतीय राष्ट्रीय राजमार्ग प्राधिकरण वारजे पुणे यांची भेट घेऊन त्यांना निवेदन सादर केले. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
मुंबई – पुणे राष्ट्रीय महामार्ग क्र 04 व पुणे बंगलोर राष्ट्रीय महामार्ग क्रमांक 48 या दोन्ही महामार्गाच्या हद्दीवर देहूरोड शहर वसलेले असून येथील सेंटर चौक ( श्री छत्रपती शिवशंभो चौक ) येथे दिवसेंदिवस वाहतूक कोंडीची समस्या वाढत असल्याने अपघाताचे प्रमाण देखील वाढले आहे. यामुळे येथील स्थानिक नागरिकांसह मावळ तालुक्यातील नौकरी , व्यवसाय व शिक्षणानिमित्त पुणे , बाणेर , वाकड , बावधन इत्यादी शहरात ये-जा करणाऱ्या नागरिकांना व विद्यार्थ्यांना देखील या वाहतूक कोंडीच्या समस्यांना सामोरे जावे लागत आहे.
येथील सततची वाहतूक कोंडीची समस्या सोडविण्यासाठी सेंटर चौक ( श्री छत्रपती शिवशंभो चौक ) येथून दोनही राष्ट्रीय महामार्गालगत 200 मीटर सर्विस रस्ता ब साईड पट्टे ची कामे तत्काळ सुरु करावी जेणेकरून बाहतूक कोंडीची समस्या मार्गी लागेल व स्थानिक नागरिकांना देखील ये-जा करण्यास अडचण निर्माण होणार नाही व अपघाताचे प्रमाण देखील कमी होण्यास मदत होईल, अशी मागणी रविंद्र भेगडे यांनी केली.
तसेच, या विषयाचा गांभीर्यपूर्वक विचार करून राष्ट्रीय महामार्ग क्रमांक 04 व 48 वरील सेंटर चौक (श्री छत्रपती शिवशंभो चौक ) पासून दोनही राष्ट्रीय महामार्गाच्या दोन्ही बाजूने 200 मीटर सर्विस रस्ता व साईड पट्ट्याची कामे त्वरित सुरु करावी अन्यथा भारतीय जनता पार्टी मावळ तालुक्याच्या वतीने तीव्र आंदोलन केली जाईल, अशा इशाराही देण्यात आला. ( Maval BJP letter and warning of agitation to solve traffic jam Ravindra Bhegade )
अधिक वाचा –
– आमदार सुनिल शेळकेंच्या माध्यमातून नाणोली तर्फे चाकण ते जांबवडे-सुदवडी-सुदुंबरे या रस्त्यासाठी सात कोटींचा निधी
– क्रिकेटपटू रवी शास्त्री यांच्या हस्ते वार्षिक क्रीडा महोत्सवाचे उद्घाटन । Khopoli News
– ‘सरनाईक’ इज बॅक! तळेगावच्या सीईओपदी पुन्हा विजयकुमार सरनाईक, एन.के. पाटलांची पिंपरी-चिंचवडमध्ये बदली
