मावळ लोकसभा मतदारसंघातील मावळ विधानसभेतील महायुतीच्या प्रमुख घटक पक्षांच्या शिर्षस्थ नेत्यांची संयुक्त पत्रकार परिषद सोमवारी (दि. 15 एप्रिल) वडगाव मावळ येथे पार पडली. या पत्रकार परिषदेत महायुतीच्या सर्व घटक पक्षांच्या नेत्यांनी लोकसभेला एकत्रितरित्या सामोरे जाण्याचा आणि महायुतीचे उमेदवार श्रीरंग बारणे यांना विजयी करण्याचा निर्धार व्यक्त केला. त्यानंतर आज, मंगळवारी (दि. 16 एप्रिल) मावळ विधानसभेतील महायुतीचा पहिला मेळावा पार पडणार आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
श्रीरंग बारणे हे मावळ लोकसभेतील महायुतीचे अधिकृत उमेदवार आहेत. त्यांचे तिकीट जाहीर होईपर्यंत महायुतीतीलच घटक पक्षांनी त्यांना विरोध केला होता. घटक पक्षातील अनेक पदाधिकारी कार्यकर्ते त्यांच्या विरोधात असल्याचे दिसले. परंतू बारणे यांना उमेदवारी जाहीर झाल्यानंतर महायुतीतील संबंधित नेत्यांचा विरोध मावळला. तर पदाधिकारी देखील थंड झाले. त्यानंतर सोमवारी प्रथमच महायुतीची संयुक्त पत्रकार परिषद झाली. त्या पत्रकार परिषदेत आजच्या मेळाव्याची घोषणा करण्यात आली होती. ( Maval Lok Sabha Constituency Mahayuti Meeting at Naigaon Kamshet for Campaign of Candidate Shrirang Barane )
भारतीय जनता पार्टी, राष्ट्रवादी काँग्रेस पार्टी, शिवसेना, आरपीआय (A), एसआरपी, मनसे आणि इतर घटक पक्षाच्या वतीने मावळ लोकसभा महायुतीचे अधिकृत उमेदवार श्रीरंग आप्पा बारणे यांच्या प्रचारार्थ महायुतीचा हा मेळावा होत आहे. आज मंगळवार, दिनांक 16 एप्रिल रोजी सायं साडेपाच वाजता कामशेत जवळील नायगाव येथील हिरकणी लाॅन्स येथे हा मेळावा होणार आहे. या मेळाव्याला तालुक्यातील महायुतीतील घटकपक्षाचे सर्व पदाधिकारी आणि नेते उपस्थिती लावतील, असा अंदाज आहे.
अधिक वाचा –
– घराणेशाहीच्या नावाने बोंब मारणाऱ्या भाजपाने दिलेत सर्वाधिक घराणेशाहीतले उमेदवार, इतर पक्षांची काय स्थिती? – वाचा विशेष बातमी
– Maval Lok Sabha : श्रीरंग बारणे यांना मोठा धक्का! महायुतीतील प्रमुख घटक पक्षाला खिंडार, ठाकरेंच्या उपस्थितीत झाला पक्षप्रवेश
– ‘मावळ लोकसभेच्या विकासासाठी ‘मशाल’ चिन्ह लक्षात ठेवा’, संजोग वाघेरेंच्या गावभेट दौऱ्याला मतदारांचा उत्स्फूर्त प्रतिसाद
