मावळ लोकसभा मतदारसंघासाठी गुरुवारपासून (दि. 18 एप्रिल) उमेदवारी अर्ज भरण्यास सुरुवात झाली आहे. महायुतीकडून विद्यमान खासदार श्रीरंग बारणे यांनी तिसऱ्यांदा अर्ज दाखल केला आहे. आज (दि. 22 एप्रिल) मुख्यमंत्री एकनाथ शिंदे, उपमुख्यमंत्री अजित पवार आणि मंत्री, आमदार यांच्या उपस्थितीत बारणे यांनी आपला उमेदवारी अर्ज दाखल केला. त्यानंतर उद्या अर्थात मंगळवार, दि. 23 एप्रिल रोजी महाविकास आघाडीकडून शिवसेना उबाठा पक्षाचे उमेदवार संजोग वाघेरे हे त्यांचा उमेदवारी अर्ज दाखल करणार आहेत. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
संजोग वाघेरे हे मंगळवारी अर्ज दाखल करतील. यावेळी सकाळी 9 वा 30 मिनिटांनी रॅलीला शुभारंभ होईल. पिंपरी गावात छत्रपती शिवाजी महाराजांच्या पुतळ्याला अभिवादन करून त्यांच्या रॅलीची सुरुवात होणार आहे. संजोग वाघेरे यांचा अर्ज दाखल करताना शिवसेना उबाठा पक्षाचे नेते आमदार आदित्य ठाकरे, मा. माणिकराव ठाकरे, आमदार रोहित पवार, खासदार डॉ अमोल कोल्हे, माजी मंत्री आमदार जयंत पाटील, आमदार सचिन आहीर आदी नेते आणि मविआचे पदाधिकारी, कार्यकर्ते उपस्थित राहणार आहे. दुपारी 12 वाजता ते त्यांचा उमेदवारी अर्ज दाखल करतील.
पिंपरीगाव येथून सकाळी 9.30 वाजता छत्रपती शिवाजी महाराज यांच्या पुतळ्यास अभिवादन करून उमदवारी अर्ज दाखल करण्यासाठी रॅलीला सुरुवात होईल. पुढे पिंपरीतील डॉ. बाबासाहेब आंबेडकर यांचे स्मारक, शगून चौक, काळेवाडी, चिंचवडगाव महासाधू मोरया गोसावी मंदिर, क्रांतीवीर चापेकर बंधू स्मारक, चिंचवड स्टेशन मार्गे आकुर्डी येथील खंडोबा मंदिर येथे रॅली पोहोचणार आहे.
खंडोबा माळ येथून उमेदवारी अर्ज दाखल करण्यासाठी पदयात्रा सुरू होऊन म्हाळसाकांत चौक, छत्रपती संभाजी महाराज चौक मार्गे पदयात्रेचा आकुर्डी रेल्वे स्टेशन येथे समारोप होईल. निवडणूक निर्णय अधिकारी कार्यालयात अर्ज दाखल केल्यानंतर जाहीर सभेत महाविकास आघाडीचे नेते उपस्थितांना संबोधित करणार आहेत, असे प्रसिद्ध केलेल्या पत्रकात म्हटले आहे.
अधिक वाचा –
– आमदार सचिन आहिर यांच्या उपस्थितीत तळेगाव दाभाडे येथे मविआची महत्वाची बैठक । Maval Lok Sabha
– मुख्यमंत्री शिंदे, उपमुख्यमंत्री अजितदादा यांच्या उपस्थितीत श्रीरंग बारणेंकडून मावळ लोकसभेसाठी उमेदवारी अर्ज दाखल । Maval Lok Sabha
– पावसाळ्यात मुंबई-पुणे रेल्वे सेवा चालणार सुरळीत, मध्य रेल्वेकडून कर्जत-लोणावळा घाटाची पाहणी, मान्सूनपूर्व कामांनी घेतला वेग
