लोकसभा निवडणुकीच्या दरम्यान मावळ मतदारसंघाचा आढावा घेण्यासाठी तळेगाव दाभाडे येथे महाविकास आघाडीच्या पदाधिकाऱ्यांची बैठक पार पडली. या बैठकीत इंडिया आघाडीचे प्रमुख पदाधिकारी उपस्थित होते. माजी मंत्री शिवसेना उपनेते (ठाकरे गट) आमदार सचिन आहिर यांनी गावभेट दौऱ्यादरम्यान तळेगाव येथे मविआच्या पदाधिकाऱ्यांची भेट घेऊन विविध प्रश्नांवर चर्चा केली. विशाल वाळुंज यांच्या निवासस्थानी ही बैठक पार पडली. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
आमदार अहिर यांनी अगोदर तळेगाव परिसरात माजी आमदार कृष्णराव भेगडे, ज्येष्ठ नेते माऊली दाभाडे, युवा काँग्रेसचे अध्यक्ष विशाल वाळुंज, अल्प संख्यांक सेलचे माजी अध्यक्ष आयुब शिकीलकर यांच्या निवासस्थानी भेट दिली. तसेच तालुक्यातील विविध विषयांसह राजकीय वातावरणाबाबत माहिती घेतली. यावेळी शैला खंडागळे, केसरीनाथ पाटील, भारत ठाकूर, आशिष ठोंबरे, भूषण जगताप, मारुती खोळे, शांताराम भोते, युवराज सुतार, अनिकेत घुले, उमेश जावडे, संगीता सोनावणे, रुपाली अहिर, शांताराम तांबोळी, सतीश शेलार, रुद्रशीव भोसले आदीजण उपस्थित होते. ( Mahavikas Aghadi Meeting at Talegaon Dabhade In presence of mla Sachin Ahir Maval Lok Sabha )
काँग्रेसचे युवक अध्यक्ष विशाल वाळुंज यांच्या निवास्थानी आहिर यांचा सन्मान करण्यात आला. यावेळी तळेगाव शहरातील संरक्षण खात्याच्या वतीने संपादित जागेच्या प्रलंबित प्रश्नावर प्रकल्पग्रस्त शेतकऱ्यांसोबत चर्चा केली. तसेच एमआयडीसी मधील फॉक्सकॉन कंपनी गेल्यानंतर लोकप्रतिनिधींनी बाळगलेले मौन, मिसाईल प्रकल्पाचा गेल्या 20 वर्षांपासूनचा प्रलंबित प्रश्न, आजी-माजी खासदार-आमदार यांची विविध प्रश्नांवर बघ्याची भूमिका याबद्दल नाराजी व्यक्त करण्यात आली.
महाविकास आघाडीच्या वतीने मावळ लोकसभेचा (उमेदवार संजोग वाघेरे) जोरदार प्रचार सुरू..
स्वाभिमानाच्या लढाईत निष्ठावान जिंकणार..! pic.twitter.com/MV2n0IqMcy— Sachin Ahir (@AhirsachinAhir) April 20, 2024
अधिक वाचा –
– अभिनंदन! सह्याद्री प्रतिष्ठानचे दुर्गसेवक सचिन शेडगे यांना मनोज जरांगे पाटलांच्या हस्ते ‘वीर कोयाजीराव बांदल पुरस्कार’
– ‘वंचित’च्या एन्ट्रीमुळे मावळ लोकसभेत होणार ‘तिरंगी’ लढत, मतविभाजनाचा फायदा नेमका कोणाला? । Maval Lok Sabha
– भगवान महावीर जन्म कल्याणक दिनानिमित्त तळेगाव दाभाडे येथे भव्य रक्तदान शिबिर । Talegaon Dabhade
