Dainik Maval News : मावळ विधानसभा मतदारसंघाचे अपक्ष व जनतेचे उमेदवार बापूसाहेब भेगडे यांना मावळ तालुक्यातून वाढता पाठिंबा मिळत आहे. मावळ तालुका वारकरी संप्रदायाच्या वतीने जाहीर पाठिंबा देण्यात आला.
मावळ तालुका वारकरी संप्रदायाच्या वतीने नुकतेच कान्हेफाटा येथील सेवाधाम येथे वारकरी बैठक मेळाव्याचे आयोजन करण्यात आले होते. या मेळाव्यात हा पाठिंबा जाहीर करण्यात आला.
यावेळी माजी राज्यमंत्री बाळाभाऊ भेगडे, ज्येष्ठ नेते सुकनशेठ बाफना, राजाराम महाराज शिंदे, गणेश महाराज गायकवाड, हभप माऊली महाराज ठाकर, हभप शिवाजीराव पवार, संचालक ज्ञानेश्वर उर्फ माऊली शिंदे, सुरेशराव आडकर, अण्णासाहेब भेगडे, मावळ तालुका वारकरी संप्रदायचे अध्यक्ष नंदकुमार भसे आदी उपस्थित होते.
यावेळी मावळ तालुक्यातील कीर्तनकार, प्रवचनकार, गायक, मृदुंग, वादक, तसेच वारकरी मोठ्या संख्येने उपस्थित होते. हभप सुनील महाराज वरघडे यांनी प्रास्ताविक, ह.भ.प. संतोष महाराज कुंभार यांनी सूत्रसंचालन, तर ह.भ.प. संतोष महाराज शेलार यांनी आभार मानले.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– महायुतीचा धर्म पाळणार, शेळकेंना विजयी करणार ! सुनिल शेळके यांच्यासाठी भाजपाचे कार्यकर्ते एकवटले
– …तर विरोधकांवर धमक्यांचे फोन करण्याची वेळच येणार नाही – आमदार सुनिल शेळके
– लोणावळा ग्रामीण पोलिसांचा पवनानगर, तिकोनापेठ येथे रुट मार्च । Lonavala Police
