इंद्रायणी विद्या मंदिर संस्थेच्यावतीने मावळभूषण कृष्णराव भेगडे व्याख्यानमालेचे दिनांक 2 जानेवारी ते 5 जानेवारी दरम्यान आयोजन करण्यात आले आहे. संस्थेच्या इंद्रायणी महाविद्यालयात व्याख्यानमाला होणार असल्याची माहिती संस्थेचे अध्यक्ष रामदास काकडे आणि कार्यवाह चंद्रकांत शेटे यांनी पत्रकार परिषदेत दिली. यावेळी संस्थेचे सदस्या निरूपा कानिटकर, संजय साने, युवराज काकडे, प्राचार्य डॉ. संभाजी मलघे, शिक्षक उपस्थित होते. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
व्याख्यानमालेची सुरुवात मंगळवारी (दि. 2 जानेवारी) जळगाव येथील दीपस्तंभ फाउंडेशनचे संस्थापक यजुवेंद्र महाजन यांच्या ‘स्वप्न बघा’ व्याख्यानाने होणार आहे. यावेळी अध्यक्षस्थानी माजी राज्यमंत्री संजय बाळा भेगडे हे असणार आहेत. व्याख्यानमालेचे दुसरे पुष्प बुधवारी (दि. 3) महाराष्ट्राचे माजी मुख्यमंत्री पृथ्वीराज चव्हाण हे गुंफणार असून ते ‘कृत्रिम बुद्धिमत्ता’ या विषयावर आपले विचार व्यक्त करणार आहेत. अध्यक्षस्थानी संस्थेचे अध्यक्ष रामदास काकडे असणार आहेत. तिसरे व्याख्यान गुरुवारी (दि. 4) अखिल भारतीय मराठी साहित्य संमेलनाचे अध्यक्ष डॉ. श्रीपाल सबनिस यांच्या हस्ते होणार असून ते भारतीय संस्कृती आणि विश्वत्मकता या विषयावर आपले विचार व्यक्त करणार आहेत. यावेळी अध्यक्षस्थानी आर्थिक विकास महामंडळाचे उपाध्यक्ष सचिन इटकर असतील. ( Mavalbhushan Krishnarao Bhegade lecture series organized by Indrayani Vidya Mandir Sanstha Talegaon )
व्याख्यानमालेचे अखेरचे पुष्प ज्येष्ठ पत्रकार उदय निरगुडकर हे गुंफणार आहेत. अध्यक्षस्थानी त्रिदल संस्थेचे अध्यक्ष डॉ. सतीश देसाई असणार आहेत. पैलवान चंद्रकांत सातकर, भास्करराव म्हाळसकर, डॉ. अनंत परांजपे आणि शैलेश शाह आदी मान्यवरांचा इंद्रायणी विद्या मंदिर पुरस्कार देऊन सन्मान करण्यात येणार आहे. प्रवेश सर्वांसाठी खुला असून संयोजकांनी विद्यार्थी, पालक व नागरिकांनी उपस्थित राहण्याचे आवाहन केले आहे.
तसेच यावेळी संस्थेच्या इंद्रायणी इन्स्टिट्यूट ऑफ फार्मासुटिकल एज्युकेशन अँड रिसर्च (बी फार्मसी) महाविद्यालयाचे नामकरण कृष्णराव भेगडे इन्स्टिट्यूट ऑफ फार्मासुटिकल एज्युकेशन अँड रिसर्च (बी फार्मसी) असे करण्यात येणार आहे. हे नामकरण महाराष्ट्राचे माजी मुख्यमंत्री पृथ्वीराज चव्हाण यांच्या हस्ते करण्यात येणार आहे.
अधिक वाचा –
– ‘बीआरटी थांब्यांची दुर्दशा, प्रवाशांची सुरक्षा वाऱ्यावर’ : पिंपरी-चिंचवडमधील बीआरटी मार्गांवरील विदारक परिस्थिती । Dainik Maval Special Report
– पवना धरण परिसरात येणाऱ्या पर्यटकांसाठी महत्वाची बातमी! पवनानगर इथे वाहतूकीत बदल, पोलिसांची सुचना, लगेच वाचा
– मोठी बातमी! संजोग वाघेरे यांचा शिवसेना ठाकरे गटात प्रवेश, उद्धव ठाकरेंनी स्वतः बांधलं शिवबंधन, मावळ लोकसभेची उमेदवारी फिक्स?
