mla nilesh lanke resigned ncp : राष्ट्रवादी काँग्रेस पक्षाचे आमदार निलेश लंके ह्यांनी आज (दि. 29) आमदारकीचा राजीनामा दिला. मात्र राजीनाम्याची घोषणा करताना लंके कार्यकर्त्यांसमोर अक्षरशः रडले. आमदारकीच्या राजीनाम्याची घोषणा करताना त्यांना अश्रू अनावर झाले. यावेळी बोलताना त्यांनी जनतेची आणि कार्यकर्त्यांची माफी मागितली. तसेच, आमदारकीचा कार्यकाळ पूर्ण व्हायला सहा महिने शिल्लक असताना आपण राजीनामा देतोय याचं वाईट वाटतंय. पण आपल्याला दिल्लीत जाऊन भूमिका मांडायची आहे. काम करायचं आहे. त्यासाठी आपल्याला विधानसभा सदस्यत्वाचा राजीनामा द्यावा लागेल, अशी भूमिका निलेश लंके यांनी मांडली. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअॅप चॅनेल जॉईन करा )
शरद पवार यांच्या पक्षात प्रवेश –
आमदारकीच्या राजीनाम्याची घोषणा करत असतानाच लंके यांनी आपण लोकसभा निवडणूक लढवणार असल्याचे जाहीर केले. तसेच शरद पवार यांच्या राष्ट्रवादी काँग्रेस पार्टी शरदचंद्र पवार पक्षात प्रवेश देखील केला. निलेश लंके यांनी राजीनाम्यापाठोपाठ मोठी घोषणा केली. राष्ट्रवादी काँग्रेसचे अध्यक्ष शरद पवार यांच्या नेतृत्वात आपल्याला लोकसभा निवडणूक लढायची आहे, असे निलेश लंके म्हणाले. त्यावेळी निलेश लंके यांनी अधिकृतपणे शरद पवार गटात प्रवेश केला. त्यांनी शरद पवार गटाच्या तुतारी चिन्हाचा फोटो आपल्या हातात घेतला. यावेळी कार्यकर्त्यांनी जोरदार घोषणाबाजी केली.
आमदार निलेश लंके हे अहमदनगर दक्षिण लोकसभा मतदारसंघातून निवडणूक लढण्यास इच्छुक आहेत. निलेश लंके राष्ट्रवादी काँग्रेस शरदचंद्र पवार गटाकडून लोकसभा निवडणूक लढणार आहेत. अहमदनगर लोकसभा मतदारसंघातून लंके सुजय विखेंविरोधात मैदानात उतरणार आहेत.
अधिक वाचा –
– आमदार सुनिल शेळके हे श्रीरंग बारणे यांचा प्रचार करणार का? । Maval Lok Sabha Election 2024
– महत्वाची बातमी! पिंपरी चिंचवड आरटीओ कार्यालय मार्च अखेरीस सुट्टीच्या दिवशी देखील सुरु राहणार । Pimpri Chinchwad Regional Transport Office
– लोकसभा निवडणूकीतील गैरप्रकारांवर लक्ष ठेवण्यासाठी 135 भरारी पथके आणि 129 स्थिर सर्वेक्षण पथके तैणात । Lok Sabha Election 2024
