मावळ लोकसभा मतदार संघातील निवडणुकीत खासदार श्रीरंग बारणे यांचा पराभव करून मी माझा भाऊ पार्थ पवारांच्या पराभवाचा वचपा काढणार, असा निर्धार राष्ट्रवादी काँग्रेस शरदचंद्र पवार पक्षाचे आमदार रोहित पवार यांनी मंगळवारी उपमुख्यमंत्री अजित पवार यांच्यावर निशाणा साधताना व्यक्त केला. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
मंगळवारी (दि. 23 एप्रिल) महाविकास आघाडीचे मावळ लोकसभेचे उमेदवार संजोग वाघेरे यांचा उमेदवारी अर्ज भरण्यात आला. यावेळी मविआकडून जोरदार शक्तिप्रदर्शन करण्यात आले. संजोग वाघेरे यांचा उमेदवारी अर्ज दाखल केल्यानंतर महाविकास आघाडीची वज्रमूठ सभा पार पडली. या सभेत बोलताना राष्ट्रवादी काँग्रेस शरदचंद्र पवार पक्षाचे आमदार रोहित पवार यांनी जोरदार भाषण केले. ( mla rohit pawar on parth pawar will defeat shrirang barane in maval lok sabha election )
महायुतीचे आणि एकनाथ शिंदे यांच्या शिवसेना पक्षाचे उमेदवार श्रीरंग बारणे यांनी सोमवारी (दि. 22 एप्रिल) उमेदवारी अर्ज दाखल केला. 2019 साली देखील शिवसेनेच्या तिकिटावर लोकसभा लढलेल्या बारणेंनी तेव्हा राष्ट्रवादी काँग्रेस पक्षाचे उमेदवार पार्थ पवार यांचा पराभव केला होता. हा पराभव पार्थ पवार आणि त्यांचे वडील अजित पवार यांच्या जिव्हारी लागला होता. परंतू गेल्या निवडणुकीत ज्या बारणेंना विरोध केला आणि ज्यांनी आपल्या मुलाला पाडले, त्यांच्याच प्रचारात आता अजित पवार दिसू लागले आहेत. त्यावरुन आमदार रोहित पवारांनी अजित पवार यांच्यावर शरसंधान साधले आहे.
‘आम्ही विचार सोडलेले नाहीत. त्यामुळे आम्ही कालही बारणेंविरोधात लढलो आणि आजही लढतोय. मागील निवडणुकीत मावळमध्ये मी पार्थसाठी प्रचार केला. पण दुर्दैवाने त्यांचा मोठा पराभव झाला. लेकाचा पराभव करणाऱ्या बारणेंसाठी आता अजित पवार प्रचार करत आहेत. पण मी भावाच्या पराभवाचा बदला घेईन,’ असा निर्धार बोलून दाखवत रोहित पवारांनी अजितदादांना टोला लगावला.
अधिक वाचा –
– धक्कादायक! पुणे जिल्ह्यात कासारसाई आणि चाकण येथील दोन वेगवेगळ्या अपघातात दोन युवकांचा बुडून मृत्यू । Pune News
– आदर्श जिल्हा परिषद शाळा चंदनवाडी येथे शाळा पूर्व तयारी अभियान उत्साहात । Maval News
– मावळ लोकसभेसाठी संजोग वाघेरे मंगळवारी दाखल करणार उमेदवारी अर्ज, मविआचे ‘हे’ दिग्गज नेते राहणार उपस्थित । Maval Lok Sabha