मावळ तालुका प्राथमिक शिक्षक संघाची मासिक सभा संपन्न; संघटनेला बळकट करण्यासाठी हंगामी कार्यकारिणी जाहीर, वाचा अधिक

मावळ तालुका (Maval Taluka) प्राथमिक शिक्षक संघाची मासिक सभा मंगळवारी (दि. 22) वडगाव मावळ (Vadgaon) येथील मावळ तालुका प्राथमिक शिक्षक पतसंस्थेच्या कार्यालयात संपन्न झाली. शिक्षक संघाचे अध्यक्ष सुरेश पाटील (Suresh Patil) यांच्या अध्यक्षतेखाली ही बैठक संपन्न झाली. यावेळी काही महत्वांच्या विषयांवर ठोस निर्णय घेण्यात आले. संघाचे जिल्हा शिक्षण मंडळाचे सरचिटणीस राजेश राऊत, राज्य उपाध्यक्ष संदीप कांबळे, गेनू मोरमारे, हरिभाऊ आडकर, मुकुंद तनपुरे, बाळासाहेब जाधव, हरिश्चंद्र शिवदे, संतोष मनोहर गायकवाड आदीजण यावेळी उपस्थित होते. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअ‍ॅप चॅनेल जॉईन करा )

बैठकीत घेण्यात आलेले निर्णय खालीलप्रमाणे;
1. अहमदनगर येथे 24 फेब्रुवारी रोजी होणाऱ्या जिल्हा अधिवेशनासाठी मोठ्या संख्येने तालुका संघ उपस्थित राहणार.
3. शिक्षक पतसंस्थेत चालणारा सर्व मनमानी व नियमबाह्य कारभार सभासदांपुढे आणणार.
3. पंचायत समिती मावळ येथे शिक्षकांची प्रलंबित असलेली सर्व बिले मंजुरीसाठी पाठपुरावा केला जाणार.
4. C.A. बोरा यांच्याकडून वजावटीचा सर्व हिशेब शिक्षकांना देण्यासाठी व 10E रक्कम कमी करण्यासाठी तालुका संघ भेट घेणार.
5. संघाच्या कामाला बळकटी येण्यासाठी तालुका संघाचे अधिवेशन होईपर्यंत एका कार्यकारिणीची निवड करण्यात आली.
( Monthly meeting of Maval Taluka Primary Teachers Association concluded at Vadgaon )

मावळ तालुका प्राथमिक शिक्षक संघाची तात्पुरती कार्यकारिणी:
तालुका नेते – सुहास विटे
अध्यक्ष – सुरेश पाटील
सरचिटणीस – नितीन वाघमारे
कार्याध्यक्ष – नवनाथ आडकर
कोषाध्यक्ष – सचिन आंब्रुळे
संपर्क प्रमुख – अजित मोरे
प्रसिध्दी प्रमुख – राहूल भोगे
मुख्य संघटक – गुलाब दाभाडे
मुख्य प्रवक्ते – अमोल मेहरकर
कार्यालयीन चिटणीस – रणजीत भोगील
तसेच इतर सर्व पदाधिकारी पूर्वीप्रमाणे राहतील, असेही ठरवण्यात आले.