खासदार स्थानिक विकास निधी आणि 2515, 3054, सामाजिक न्याय, जिल्हा नियोजन मधून आलेल्या निधीमधून पवन मावळमधील विविध ठिकाणी केलेल्या विविध विकास कामांचे उद्घाटन आणि भूमिपूजन खासदार श्रीरंग बारणे यांच्या हस्ते करण्यात आले. ‘मावळवासियांना कोणत्याही सोयी-सुविधांची कमतरता भासणार नाही, यासाठी विविध भागांमध्ये अनेक विकासकामे हाती घेतली आहेत’ असे बारणे यावेळी म्हणाले. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
पवन मावळ दौऱ्यादरम्यान, लोकसभेत पीठासीन अधिकारी म्हणून बसण्याचा बहुमान मिळाल्याबद्दल बारणे यांचा सोमाटणे येथे सत्कार करण्यात आला. यावेळी शिवसेना जिल्हाप्रमुख बाळासाहेब वाल्हेकर, शरद हुलावळे, राजेंद्र खांडभोर, राजेंद्र तरस, सुनील हगवणे, स्वाती गायकवाड, नितीन मुऱ्हे, निशा सावंत, किरण येवले, पल्लवी सावंत, रोहिणी गोपाळे, विशाल राक्षे, रवी विधाटे, उमेश आगळे, अर्चना वाघोले, माजी सरपंच राजेश मुऱ्हे, रामभाऊ सावंत आदी मान्यवर उपस्थित होते. ( MP Shrirang Barne performed Bhumi Poojan Of various development works in Pavan maval area )
सोमाटणे येथे खासदार श्रीरंग बारणे यांच्या हस्ते एकूण 52 लाख रुपयांच्या कामांचे भूमिपूजन करण्यात आले. यात गोरक्षनगर रस्ता 12 लाख, शिक्षण सोसायटी रस्ता 10 लाख, पुनर्वसन रस्ता 10 लाख, समता नगर बंदिस्त गटार 10 लाख, चौकात हायमास्ट बसविणे 10 लाख आदी कामांचा समावेश आहे. शिवाय 30 लाखांची प्रस्तावित कामे आहेत.
“कोणतीही कार्यकर्ता माझ्याकडे आल्यावर मी त्याचे काम पाहतो पक्ष नाही. त्यामुळे, मतदार संघात चांगली विकास कामे करू शकलो आणि यापुढेही करीत राहील.” – खासदार श्रीरंग बारणे.
अधिक वाचा –
– वडगाव – सांगवी जोडरस्त्यावरील धोकादायक वळणावर संरक्षक लोखंडी कठडे बसवण्याचे काम पूर्ण । Vadgaon Maval
– पुणे जिल्ह्याचा नवा विक्रम! चालू वर्षात जिल्ह्याच्या इतिहासातील सर्वाधिक पीक कर्ज वाटप, पाहा आकडेवारी । Pune News
– शिंदे सरकारचा मोठा निर्णय! मनोज जरांगे पाटील यांना आता 24 तास सुरक्षा, शस्त्रधारी पोलीस तैनात । Manoj Jarange Patil
