राज्यात विक्रीस बंदी असलेल्या तंबाखूजन्य पदार्थ, गुटखा आदींची बेकायदा विक्री करणाऱ्या टपरी चालकाला पोलिसांनी मुद्देमालासह अटक केली आहे.
संतोष रंगनाथ खरात (वय ४३, रा. चव्हाणनगर, देहुगांव, ता. हवेली, जि. पुणे) असे अटक कऱण्यात आलेल्या टपरी चालकाचे नाव आहे. विजय दिपक दौंडकर (पोलीस नाइक – अमली पदार्थ विरोधी पथक गुन्हे शाखा) यांनी याप्रकरणी फिर्यादी दिली आहे. दिनांक १४ मे रोजी दुपारी पाऊणे दोनच्या सुमारास देहूगावातील वैकुंट मंदिरा शेजारील सुरभी पान शॉप टपरी इथे पोलिसांनी ही कारवाई केली.
दैनिक मावळचा व्हॉट्सअ‍ॅप ग्रुप जॉइन करण्यासाठी इथे क्लिक करा
देहूरोड पोलिस ठाण्यात सदर आरोपीवर भारतीय दंड विधान कलम ३२८, २६९, २७०, २७२, २७३, १८८ अन्वये गुन्हा दाखल करण्यात आला आहे. ( pan shop owner who was selling illegal Gutkha in tapari at dehugaon arrested along with goods )
पोलिसांनी दिलेल्या माहितीनुसार, फिर्यादीत नमुद तारिख, वेळी आणि ठिकाणी आरोपी याने शासनाने प्रतिबंधित केलेले तंबाखुजन्य / गुटखा / सुंगधी सुपारी पदार्थाचे सेवनाने मुखाचे कर्करोग आणि इतर विकार होऊन शारिरीक हानी होऊ शकते, हे माहिती असतानाही आरोपीने त्याच्या ताब्यातील टपरीमध्ये वेगवेगळ्या कंपनीचा शासनाने प्रतिबंधीत केलेला गुटखा, सुगंधीत तंबाखु व पानमसाला असा एकूम 23,581 रुपये किंमतीचा माल स्वतःच्या फायद्याकरिता अवैधरित्या खरेदी करुन विक्रीसाठी जवळ बाळगलेला मिळुन आला होता, असे फिर्यादीत नमुद आहे. पोलिस उपनिरिक्षक गोवले हे या प्रकरणाचा अधिक तपास करत आहेत.
अधिक वाचा –
– किशोर आवारे हत्या प्रकरण : 6 आरोपींना 20 मे पर्यंत पोलिस कोठडी, गुन्ह्याच्या सखोल तपासासाठी विशेष पथक । Kishor Aware Murder Case
– बेकायदा दारू विक्री करणाऱ्यांना लोणावळा शहर पोलिसांचा दणका! लाखोचा मुद्देमाल जप्त, दोघांवर गुन्हा
