पीएम किसान हि देशातील शेतकऱ्यांच्या दृष्टीने अत्यंत महत्वाची योजना आहे. केंद्रातील नरेंद्र मोदी सरकारने 2019 योजनेची सुरुवात केली. तेव्हापासून आजतागायत ही योजना सुरु आहे. या योजनेअंतर्गत पात्र शेतकऱ्यांना वार्षिक सहा हजाराचा लाभ पुरवला जात आहे. तीन टप्प्यात प्रत्येकी 2 हजार असे सहा हजार रुपयांचे वितरण केले जाते. दर चार महिन्यांनी पात्र शेतकऱ्यांच्या खात्यावर हे पैसे जमा होतात. आतापर्यंत योजनेचे एकूण 15 हप्ते शेतकऱ्यांच्या खात्यात जमा झाले आहेत. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
योजनेतील चौदावा हप्ता राजस्थान येथील एका कार्यक्रमातून दिनांक 27 जुलै रोजी पंतप्रधान नरेंद्र मोदी यांच्या हस्ते वितरित करण्यात आला होता. तर, यानंतरचा पंधरावा हप्ता 15 नोव्हेंबर रोजी छत्तीसगड येथील एका कार्यक्रमातून पंतप्रधान नरेंद्र मोदी यांनी वितरित केला. एकंदरीत पंधरावा हप्ता वितरित होऊन जवळपास पंधरा दिवसांचा काळ उलटला आहे. परंतू अद्यापही काही शेतकऱ्यांच्या खात्यावर पंधराव्या हफ्त्याचे पैसे जमा झाले नसल्याचे समजत आहे. हे शेतकरी असे आहेत ज्यांचे नाव लाभार्थी यादीत आहे, मात्र त्यांना दोन हजार रुपये मिळालेले नाहीत.
परंतू, संबंधित काही शेतकऱ्यांकडून पीएम किसानचा लाभ का मिळाला नाही, हा प्रश्न आहे. जर तुम्हीही त्यापैकी एक असाल आणि पीएम किसान योजनेला पात्र असूनही पंधरावा हफ्ता तुम्हाला मिळाला नसेल, तर पीएम किसानच्या हेल्पलाईन नंबरवर कॉल करून तुम्ही याची माहिती जाणून घेऊ शकता. ( PM Kisan Samman Nidhi Installment Status Check Call On This Toll Free Number or Mail Id )
पैसे खात्यात जमा न व्हायची कारणे कोणती?
प्राप्त माहितीप्रमाणे, बँक खाते आधार कार्ड सोबत लिंक नसणे, ई-केवायसी केलेली नसणे यामुळे या योजनेचा हप्ता अटकू शकतो. याशिवाय जर पीएम किसान योजनेमध्ये अर्ज करताना जेंडर, नाव, आधार नंबर, पत्ता जर चुकीचा टाकला गेला असेल तरीसुद्धा या योजनेचा हप्ता रोखला जाऊ शकतो.
कुठे संपर्क करावा?
तुम्ही ई-केवायसी, आधार सीडींग केलेली असेल आणि तुमचा अर्ज देखील बरोबर असेल, तरीही तुम्हाला योजनेचा पंधरावा हफ्ता मिळाला नसल्यास तुम्ही पीएम किसानच्या हेल्पलाइन नंबरवर संपर्क साधू शकता. तसेच, तुम्ही पीएम किसानच्या ईमेल आयडीवर तुमची तक्रार नोंदवू.
पीएम किसान हेल्पलाइन क्रमांक – 155261
पीएम किसान टोल फ्री क्रमांक – 1800115526
पीएम किसान फोन नंबर – 011-23381092
ईमेल आयडी – pmkisan-ict@gov.in
पीएम किसान योजनेतील लाभार्थी यादीतील नाव चेक करा – https://pmkisan.gov.in/
अधिक वाचा –
– डावजे-कातवडी ग्रामपंचायत उपसरपंचपदी बंडू जंगम बिनविरोध, गावकऱ्यांकडून खास सन्मान
– अवकाळीग्रस्त भागातील शेतकऱ्यांना नुकसान भरपाई ते झोपडीधारकांना मोठा दिलासा; वाचा शिंदे सरकारचे सर्व निर्णय
– कामाची बातमी! ग्रामपंचायतीमधून कोणकोणते दाखले मिळतात माहितीये का? ‘या’ दाखल्यांसाठी तर पैसेही द्यावे लागत नाही
