Dainik Maval News : पुणे जिल्हा मध्यवर्ती सहकारी बँकेने (पीडीसीसी) २०२५-२६ या हंगामात उद्दिष्टापेक्षा अधिक पीक कर्जवाटप करत तीन लाख १५ हजार २४६ शेतकरी सभासदांना तब्बल तीन हजार १५४ कोटी ७ लाख ७५ हजार रुपयांचे कर्ज वितरित केले आहे. खरीप आणि रब्बी हंगाम मिळून बँकेने ११४.५२ टक्के उद्दिष्टपूर्ती केली आहे.
वाढलेला उत्पादन खर्च, गतवर्षी झालेली अतिवृष्टी आणि पीक नुकसानीमुळे कर्जाकडे कल वाढल्याचे शेतकऱ्यांचे म्हणणे आहे. बँकेकडून तीन लाखांपर्यंत कर्ज घेणाऱ्या शेतकऱ्यांना शून्य टक्के व्याज दराने पीक कर्ज दिले जाते. तर तीन लाखांहून अधिक पीक कर्ज घेणाऱ्या शेतकऱ्यांसाठी अकरा टक्के व्याजदर आकारण्यात येतो.
पीडीसीसी बँकेच्या पीक कर्जवाटपाच्या आकडेवारीनुसार खरिपासाठी दोन लाख ३९ हजार १७० सभासदांना दोन हजार ४९० कोटी १८ लाख ७२ हजार रुपयांचे कर्ज वितरित केले. खरिपात उद्दिष्टपूर्तीचे प्रमाण १२०.६० टक्क्यांवर पोहोचले. तर रब्बीमध्ये ७६ हजार ७६ सभासदांना ६६३ कोटी ८९ लाख ३ हजार रुपयांचे कर्जवाटप केले.
रब्बीत उद्दिष्टपूर्तीचे प्रमाण ९६.३१ टक्के इतके राहिले. शिरूर तालुक्यात सर्वाधिक ४५३ कोटी ४६ लाख ९३ हजार रुपयांचे कर्ज वितरित केले. त्याखालोखाल जुन्नरमध्ये ४२२ कोटी ८३ लाख ८७ हजार रुपये, इंदापूरमध्ये ३८२ कोटी १८ लाख ५५ हजार, दौंडमध्ये ३४३ कोटी ५४ लाख ५८ हजार आणि बारामतीत ३२९ कोटी ६३ लाख १३ हजार रुपयांचे कर्ज वाटप झाले.
याबाबत पीडीसीसी बँकेचे अध्यक्ष डॉ. दिगंबर दुर्गाडे म्हणाले की, पीककर्जाची मागणी ज्याप्रमाणात होईल, तेवढे बँकेकडून कर्जवाटप केले जात आहे. उद्दिष्टाहून अधिक कर्ज वाटप केले आहे. कुठलीही अडचण येऊ दिली जाणार नाही. तशी तरतूद करण्यात आलेली आहे.
कर्ज वाटप (आकडेवारी लाख रुपयांमध्ये)
एकूण कर्जवाटप- ३१५४०७.७५
खरीप कर्जवाटप- २४९०१८.७२
रब्बी कर्जवाटप- ६६३८९.०३
तालुकानिहाय कर्जवाटप रक्कम
तालुका – एकूण कर्जवाटप (लाख रुपयांमध्ये)
1. आंबेगाव – २६९४५.११
2. बारामती – ३२९६३.१३
3. भोर – १२९४४.८६
4. दौंड – ३४३५४.५८
5. हवेली – १०१४३.१९
6. इंदापूर – ३८२१८.५५
7. जुन्नर – ४२२८३.८७
8. खेड – ३२४३७.१५
9. मावळ – ७१३५.२२
10. मुळशी – ५१७३.४९
11. पुरंदर – २५०९४.४६
12. शिरूर – ४५३४६.९३
13. राजगड – २३६७.२२
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– पवना शिक्षण संकुलात दहावीच्या परीक्षेत मुलींचीच बाजी ; वारु येथील अबोली निंबळे ९६ टक्के गुणांसह केंद्रात व शाळेत प्रथम
– तळेगाव दाभाडे येथील कै. ॲड. कु. शलाका संतोष खांडगे विधी महाविद्यालयातील विद्यार्थ्यांचा दिल्ली येथे शैक्षणिक दौरा
– इयत्ता बारावी बोर्डाच्या पुरवणी परीक्षांसाठी १५ मे पर्यंत ऑनलाईन फॉर्म भरण्याचे आवाहन ; ‘लेट फी’सह ‘या’ तारखेपर्यंत फॉर्म भरता येणार
– विद्यार्थ्यांना इस्रोसह अमेरिकेतील नासा केंद्राला भेटीची मिळणार संधी ; ‘मुख्यमंत्री विद्यार्थी विज्ञान वारी’ उपक्रमाला शासनाची मान्यता
