मावळ तालुक्यात होत असलेल्या गुन्ह्यांच्या घटनेत काही केल्या घट होताना दिसत नाही. मंगळवार (10 जानेवारी) रोजी घडलेल्या घटनेमुळे तर तळेगाव दाभाडे शहरातील कायदा सुव्यवस्थेवरच प्रश्नचिन्ह निर्माण झाले आहेत. तळेगाव दाभाडे पोलिस स्टेशनच्या हद्दीत मंगळवारी भरदिवसा दरोडा पडल्याने एकच खळबळ उडाली आहे. ( Robbery In Talegaon Dabhade City Of Maval More Than 10 Lakhs Worth Of Goods Looted )
दैनिक मावळचा व्हॉट्सअ‍ॅप ग्रुप जॉइन करण्यासाठी इथे क्लिक करा
पोलिसांनी दिलेल्या माहितीनुसार, मंगळवारी तळेगाव दाभाडे येथील रहिवासी आणि वडगाव मावळ येथे व्यवसाय करत असलेले दीपक चंपालाल मुथा (वय 58) यांच्या घरावर भरदिवसा दरोडा पडला. दरोडेखोरांनी घरात शिरकाव केला तेव्हा मुथा हे स्वतः पत्नी आणि मुलींसह घरात होते. एकूण 5 अज्ञात दरोडेखोरांनी चेहऱ्याला मास्क लावून घरात एन्ट्री केली आणि बंदूकीचा धाक दाखवून घरातील रोख रक्कम आणि सोने-चांदी असा तब्बल दहाहून अधिक लाखांचा मुद्देमाल लंपास केला. याप्रकरणी तळेगाव दाभाडे पोलिसांत तक्रार दाखल असून पुढील तपास तळेगाव दाभाडे पोलिस करत आहेत.
अधिक वाचा –
– मोठी बातमी! तळेगाव दाभाडेजवळील घोराडेश्वर इथे दीडशे फूट दरीत कोसळून तरुणाचा मृत्यू
– शिवसेना अवजड वाहतूक सेनेतर्फे आयआरबी प्रशासनाला सज्जड इशारा, ‘सुविधा द्या नाहीतर…’
