Dainik Maval News : श्री संत तुकाराम सहकारी साखर कारखान्याच्या तीन जागांसाठी शनिवारी, 5 एप्रिलला मतदान होत आहे. या निवडणुकीसाठी मावळ तालुक्यात 17 मतदान केंद्रांची व्यवस्था करण्यात आली आहे. शनिवारी सकाळी आठ ते सायंकाळी पाच यावेळेत मतदान होणार आहे, अशी माहिती सहाय्यक निबंधक सर्जेराव कांदळकर यांनी दिली.
साखर कारखान्याच्या संचालक मंडळाच्या 29 पैकी 18 जागा बिनविरोध झाल्या असून, हिंजवडी-ताथवडे या एका गटातील तीन जागांसाठी 5 एप्रिल रोजी मतदान होत आहे. कारखान्याचे अध्यक्ष विदुरा नवले यांच्यासह माजी संचालक चेतन भुजबळ, दत्तात्रेय जाधव व बाळासाहेब भिंताडे असे चार जण निवडणुकीच्या रिंगणात आहेत. निवडणूक मुळशी तालुक्यातील एका गटासाठी असली, तरी कार्यक्षेत्रातील पाचही तालुक्यातील सभासदांना त्यासाठी मतदान करावयाचे आहे. मावळ तालुक्यात सुमारे सहा हजार मतदार आहेत.
- मतदान हे मतपत्रिकेद्वारे होणार असून प्रत्येक मतदाराला तीन मते देण्याचा अधिकार आहे. मतदारांनी सोळा पैकी एक ओळखीचा पुरावा सोबत आणणे गरजेचे आहे, असे कांदळकर यांनी सांगितले आहे.
मतदान केंद्रांचे नियोजन –
तळेगाव दाभाडे (थोर समाजसेवक नथुभाऊ भेगडे शाळा, मारुती मंदिर चौक) येथे दोन, वडगाव (जिल्हा परिषद प्राथमिक शाळा) येथे एक, लोणावळा (डॉ. बी. एन. पुरंदरे हायस्कूल) येथे एक, कार्ला (जिल्हा परिषद प्राथमिक शाळा) येथे एक, इंदोरी (जिल्हा परिषद प्राथमिक शाळा) येथे दोन, कामशेत (रिंकू बालवाडी, खडकाळे गावठाण) येथे दोन, सोमाटणे (जिल्हा परिषद प्राथमिक शाळा) येथे एक, उर्से (पद्मावती हायस्कूल) येथे दोन, दारूंब्रे (जिल्हा परिषद प्राथमिक शाळा) येथे दोन, चांदखेड (जिल्हा परिषद प्राथमिक शाळा) येथे एक, कालेकॉलनी (जिल्हा परिषद प्राथमिक शाळा) येथे दोन मतदान केंद्रांची व्यवस्था करण्यात आली आहे.
मतदार संख्या –
तळेगाव दाभाडे : 754
वडगाव मावळ : 908
लोणावळा : 458
कार्ला : 117
इंदोरी : 677
कामशेत : 622
सोमाटणे : 384
उर्से : 573
दारूंब्रे: 638
चांदखेड : 432
कालेकॉलनी : 1009
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– साखर कारखान्याच्या माध्यमातून तालुक्याचा विकास व्हावा ; शेतकऱ्यांच्या उसाला चांगला दर मिळावा – आमदार सुनिल शेळके
– मावळ तालुक्यातील इंदुरी येथील भुईकोट किल्ल्यावर 61 फुटी भगव्या ध्वजाचे लोकार्पण । Maval News
– मोठी बातमी : श्री संत तुकाराम महाराज संस्थानच्या अध्यक्षपदी जालिंदर मोरे यांची निवड ; चुरशीची लढतीत 63 मतांनी विजयी । Dehu News
