मावळ लोकसभेचे महायुतीचे उमेदवार श्रीरंग बारणे यांनी पुणे जिल्ह्यातील जेष्ठ नेते, माजी आमदार कृष्णराव भेगडे यांची तळेगाव येथील त्यांच्या निवासस्थानी भेट घेतली. त्यांच्यासोबत लोकसभा निवडणूक 2024 आणि इतर समाजसुधारक गोष्टींवर सखोल चर्चा केली. यावेळी त्यांच्यासोबत माजी मंत्री बाळाभाऊ भेगडे, मावळ राष्ट्रवादी काँग्रेस पक्षाचे अध्यक्ष गणेश खांडगे, संतोष भेगडे, रविंद्र भेगडे आदी उपस्थित होते. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
माजी आमदार कृष्णराव भेगडे यांच्या भेटीनंतर बारणे यांनी तळेगाव शहरात प्रचार दौरा केला. त्यांनी माजी नगरसेवक अरुण माने, माजी नगराध्यक्ष श्रीमंत सरदार अंजलीराजे दाभाडे, सामाजिक कार्यकर्ते रशीदभाई शिकीलकर, कलापिनीचे विश्वस्त डॉ. अनंत परांजपे, सामाजिक कार्यकर्ते संकेत खळदे, नामवंत उद्योजक इंदरशेठ ओसवाल, राष्ट्रवादी महिला काँग्रेसच्या अध्यक्ष शैलाताई कैलास काळोखे, श्रीमंत सरदार सत्यशीलराजे दाभाडे, माजी नगराध्यक्ष सुरेश धोत्रे व कृष्णा कारके आदी मान्यवरांच्या निवासस्थानी सदिच्छा भेट दिली.
त्यासह शहरातील विविध धार्मिक ठिकाणी भेट देत देवदेवतांचे दर्शन घेतले. शहरात ठिकठिकाणी उमेदवार बारणेंचे फटाके वाजवून आणि औक्षण करून स्वागत करण्यात आले. तसेच निवडणूकीसाठी बारणेंना शुभेच्छा देण्यात आल्या. ( Shrirang Barne campaigned in Talegaon Dabhade after meeting former MLA Krishnarao Bhegde )
अधिक वाचा –
– पुणे लोकसभा निवडणुकीसाठी निवडणूक निरीक्षकांची नियुक्ती । Pune Lok Sabha
– ईव्हीएमबद्दल सोशल मीडियावर व्हायरल होणाऱ्या ‘त्या’ मेसेजबाबत जिल्हाधिकाऱ्यांचे स्पष्टीकरण; म्हणाले, ‘तो मेसेज…’
– अब्जाधीश ‘आप्पा’ ! 5 वर्षात 29 कोटींची वाढ, श्रीरंग बारणेंची एकूण संपत्ती किती? हिरे-सोने, महागड्या गाड्या आणि बरंच काही, वाचा सविस्तर । Shrirang Barane Property
