पवन मावळ भागातील मौजे शिळींब या गावात कृषि तंत्रज्ञान व्यवस्थापन यंत्रणा (आत्मा) सन 2023-24 खरीप हंगाम अंतर्गत एस.आर.टी. भात उत्पादन तंत्रज्ञान या विषयावरील शेतीशाळा वर्ग विजय हिरेमठ (प्रकल्प संचालक, आत्मा पुणे) आणि दत्तात्रय पडवळ (तालुका कृषि अधिकारी, मावळ) यांच्या मार्गदर्शनाखाली घेण्यात आला. शेतीशाळेला राहुल घोगरे (बीटीएम – आत्मा), विकास गोसावी (कृषी सहाय्यक शिळींब) आणि कृषी मित्र लहू धनवे यांनी मार्गदर्शन केले. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
शिळींब गावातील शेतीशाळेच्या वर्गात आतापर्यंत वर्गामध्ये शेतीशाळा म्हणजे काय? भात पिक बियाणे निवड, भात बीज प्रक्रिया, गादी वाफे तयार करणे, गादी वाफ्यावर भात बियाणे आणि खते पेरणी, युरिया ब्रिकेटचा वापर, कीड आणि रोग मार्गदर्शन याबाबत सविस्तर मार्गदर्शन करण्यात आले. सदर वर्गामध्ये शेतीशाळा प्रतिज्ञा घेऊन सुरुवात करण्यात आली. त्यानंतर मागील वर्गाचा आढावा घेण्यात आला. सध्यास्थिती शिळींब गावात भात पीक कापणी चालू झाली आहे.
परिसरात भात पीक जोमदार आले आहे. भातपिकासाठी आताचा कालावधी हा महत्वपूर्ण आहे, कारण भात पीक कापणी योग्य झाले आहे. त्याअनुषंगाने शिळींब येथे घेण्यात आलेल्या शेतीशाळेमध्ये राहुल घोगरे यांनी वैभव विळ्याने कापणी कशी करावी, हे वैभव विळा दाखवून मार्गदर्शन केले. कृषि सहाय्यक विकास गोसावी यांनी रब्बी हंगाम ज्वारी मिनिकीट वाटप करून माहिती दिली. शेतीशाळेमध्ये शेतकऱ्यांना रब्बी ज्वारी पीक मिनिकीट मान्यवराच्या हस्ते वाटप करण्यात आले.
यावेळी राहुल घोगरे, अमित मगर, पोलिस पाटील संदीप बिडकर, संतोष कडू, नंदू धनवे, अंकुश ओव्हाळ, संतोष शिंदे, दत्तात्रय शिंदे, गोरख गायकवाड, दिलीप शिंदे, प्रकाश जगताप, संजय ढमाले, चंद्रकांत धनवे, अनंता केदारी, संभाजी कडू, प्रभाकर सुतार, सुरेश धनवे, बाळू आखाडे शेतकरी उपस्थित होते. ( SRT Rice Crop Production Farm School shilimb village Maval )
“शेतकऱ्याची शेतीशाळा हा उपक्रम भात बियाणे निवड ते पिकाच्या कापणी पश्चात भात पीक नियोजन असल्याने शेतकऱ्यांना पिकाच्या विविध टप्प्यावर माहिती मिळणार असल्याने त्याचा भात पिंपरी घेणाऱ्या शेतकऱ्यांना त्याचा लाभ होणार आहे.” – दत्तात्रय पडवळ (कृषी अधिकारी, मावळ)
अधिक वाचा –
– मावळ तालुक्यातील बहुचर्चित वाकसई ग्रामपंचायतीची निवडणूक 20 डिसेंबरला, वाचा संपूर्ण निवडणूक कार्यक्रम
– तळेगाव दाभाडे नगरपरिषदेच्या कर्मचाऱ्यांची दिवाळी अखेर गोड, तब्बल ‘इतका’ बोनस मंजूर
– धक्कादायक! लोणावळ्यात कंटेनरचा भीषण अपघात, पलटी होताना दोन दुचाकींना धडक, 3 जण जागीच ठार
