Dainik Maval News : मावळ तालुक्यातील कमी पटसंख्येच्या काही शाळांमध्ये शिक्षक कमी होण्याची शक्यता आहे. भविष्यात शिक्षक नाही म्हणून शैक्षणिक दर्जा खालावेल. अशा परिस्थितीत भविष्यात मावळातील शाळा बंद होऊन शिक्षण संपुष्टात येण्याची भीती आहे. त्यामुळे या प्रश्नावर लवकर तोडगा काढावा, अशी मागणी शिक्षक वर्गाने केली आहे.
मावळ तालुक्यातील शिक्षकांच्या प्रश्नांसंबंधी पुणे जिल्हा व मावळ तालुका प्राथमिक शिक्षक संघाच्या पदाधिकाऱ्यांनी आमदार सुनील शेळके यांची भेट घेऊन विविध प्रलंबित प्रश्न मांडले. यावेळी जिल्हा प्राथमिक शिक्षक संघाचे अध्यक्ष नारायण कांबळे, राज्य संघटक विनायक पारखे, जिल्हा महिला आघाडी कार्याध्यक्ष संगीता वाघमारे, सुरेखा सोनवणे, सुरेखा औटी, सुमित नळे, दत्तात्रय भालेराव, बळीराम वाघमारे, महादेव कट्टे, अमोल यादव आदीजण उपस्थित होते.
- मावळ हा दुर्गम व दऱ्या-खोऱ्यांचा तालुका आहे. अनेक गावे लहान व छोट्या लोकसंख्येची आहेत. त्यामुळे शाळांचे पटही कमी आहेत. 15 मार्च 2024 च्या शासन निर्णयामुळे तालुक्यातील अनेक शाळांमध्ये शिक्षक कमी होत आहेत. यामुळे भविष्यात अनेक अडचणी निर्माण होऊ शकतात, असे मुद्दे शिक्षकांनी मांडले.
त्यावर आमदार सुनील शेळके यांनी शिक्षण मंत्री व ग्रामविकास मंत्र्यांशी चर्चा करण्याचे आणि यातून मार्ग काढण्याचे आश्वासन शिष्टमंडळाला दिले. वरील मागणीसह शिक्षकांची पगाराव्यतिरिक्त बिले शिल्लक असल्याचे पदाधिकाऱ्यांनी सांगितले. त्यावर गटशिक्षणाधिकारी व गटविकास अधिकाऱ्यांना सर्व बिले तपासून त्यांच्या त्रुटी दूर करून बिले काढण्याच्या सूचना देण्यात येतील, असे आश्वासन शेळके यांनी दिले.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– पहलगाम येथील भ्याड दहशतवादी हल्ल्याचा लोणावळा शहरात सर्वपक्षीयांकडून तीव्र निषेध । Lonavala News
– पहलगाम येथील दहशतवादी हल्ल्याच्या निषेधार्थ वडगाव मावळ येथील सर्वपक्षीय मशाल रॅली । Vadgaon Maval
– कामशेतमध्ये सर्वपक्षीय पदाधिकाऱ्यांकडून पहलगाम येथील क्रूर हल्ल्याचा जाहीर निषेध । Kamshet News
