Dainik Maval News : अभिनेता अरमान कोहली यांच्या लोणावळ्यातील बंगल्यात चोरी झाल्याची घटना घडली आहे. या घटनेत कोहली यांच्या घरातून रोख रक्कम आणि सोन्याचे दागिने असा एकूण 7 लाख रुपयांचा मुद्देमाल लंपास करण्यात आला असून याप्रकरणी अभिनेत्याने लोणावळा शहर पोलिस ठाण्यात फिर्याद दिली आहे.
मंगळवारी (दि.25) सकाळी 9 ते सायंकाळी 5:30 वाजताच्या सुमारास लोणावळा हद्दीतील अभिनेत्याच्या कोहली इस्टेट, गोल्ड व्हॅली, तुंगार्ली येथे ही चोरी झाली. याप्रकरणी ५३ वर्षीय अभिनेता अरमान राजकुमार कोहली याने लोणावळा पोलीस ठाण्यात फिर्याद दिली आहे. त्यानुसार संशयित आरोपी आकाश गौड (वय 21 वर्षे) व संदीप गौड (वय 23) दोघेही राहणार जौनपुर, उत्तर प्रदेश यांच्यावर गुन्हा दाखल कऱण्यात आला आहे.
याप्रकरणी लोणावळा शहर पोलिस ठाण्यात भारतीय न्याय संहीता कलम 306,3 (5) अन्वये गुन्हा दाखल करण्यात आला आहे. पोलिसांनी दिलेल्या माहितीनुसार, मंगळवारी सकाळी 9 ते सायंकाळी साडेपाच दरम्यान फिर्यादीच्या कोहली इस्टेट, तुंगार्ली येथील घरातून बेडरूममधील साईड टेबलवरील लॉकरमधील 1 लाख रुपये रोख रक्कम व 12 तोळ्याची सोन्याची चैन लंपास करण्यात आली.
घरातील काम करणारे आकाश गौड व संदीप गौड यांनी ही चोरी केल्याचा संशय असल्याचे फिर्यादीत नमूद आहे. गुन्ह्याचा पुढील तपास पोलीस सब इन्सेक्टर केरुरकर करीत आहेत. ( Theft at actor Armaan Kohli house in Lonavala )
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– ‘पुणे रिंगरोड’च्या दिशेने पहिले पाऊल ! जमीन मोजणीला प्रारंभ ; जमीनमालकांकडून जिल्हा प्रशासनाला संमतीपत्र । Pune Ring Road
– मुंबईला जाण्यासाठी नवा मार्ग विकसित होणार? 135 किलोमीटरचा रस्ता, लोणावळ्याला जायची गरज नाही
– मुंबई-पुणे द्रुतगतीमार्गावरील वाहतूक कोंडी दूर होणार, मिसिंग लिंक प्रोजेक्ट ठरणार गेमचेंजर ! missing link mumbai pune
– मध्य रेल्वेचा ऐतिहासिक निर्णय ! महाराष्ट्रात तयार होणार 3 रेल्वे मार्ग, मुंबई-पुणे रेल्वे प्रवास होणार अधिक वेगवान
