Dainik Maval News : मावळ तालुक्यातील ऐतिहासिक विसापूर किल्ला (Visapur Fort) हा गेली कित्येक वर्षांपासून जीर्णोद्धाराच्या प्रतीक्षेत आहेत. मावळ तालुक्यातील सर्वात मोठा किल्ला म्हणून विसापूर किल्ल्याचा उल्लेख होतो.
भक्कम तटबंदी ही विसापूर किल्ल्याची ओळख आहे. मोठ-मोठे राजवाडे, मोठ्या प्रमाणावर पाण्याचे टाके, दारू गोळा कोठारे, धान्य कोठारे, विहिरी, शिवमंदिर, हनुमानाच्या दगडातील मूर्त्या, गणपती मूर्ती, मोठी जाती, तटबंदी, बुरुंज, आजूबाजूला पडलेल्या ऐतिहासिक वस्तू, तोफा, तोफ गोळे एक ना अनेक महत्त्वपूर्ण इतिहास विसापूर किल्ल्यावर आहे. परंतु सध्या या वास्तूंची पडझड होत असून किल्ल्याचा जीर्णोद्धार होणे गरजेचे आहे.
- एकीकडे लोहगड किल्ला हा जागतिक वारसा स्थळांच्या यादीमध्ये लवकरच त्याची नोंद होइल. तर दुसरीकडे लोहगड किल्ल्याच्या समोरच असलेला विसापूर किल्ला मात्र जीर्णोद्धाराच्या प्रतीक्षेत आहे. शिवकालीन इतिहासामध्ये पुरंदरच्या तहामध्ये मोगलांना दिलेल्या किल्ल्यापैकी एक म्हणून लोहगड आणि विसापूर या किल्ल्यांचा उल्लेख आहे.
छत्रपती शिवरायांच्या पदस्पर्शाने पावन झालेला विसापूर किल्ला सध्या दुर्लक्षित झाला आहे. किल्ल्यावरील वास्तूंची पडझड होत असून किल्ल्यावरील कित्येक वास्तू मातीआड दडल्या आहेत. या सर्वांचा शोध घेणे, उत्खनन करणे आवश्यक आहे. तसेच मातीआड गेलेला विसापूर किल्ल्याचा इतिहास प्रकाशात आणणे गरजेचे आहे.
विसापूर किल्ल्यावर आपण लोहगड मार्गे तसेच पाटण गाव मार्गे प्रवेश करू शकतो. विसापूरचे दोन्ही प्रवेशद्वारे पूर्णपणे नामशेष झालेले आहेत. त्या ठिकाणी आता भक्कम बुरुज आणि त्यात भक्कम दरवाजे बसविणे आवश्यक आहे. यामुळे पुन्हा एकदा या किल्ल्याची शोभा वाढेल. सरकारने व पुरातत्व विभागाने याची दखल घेणे आवश्यक आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– आमदार शेळकेंना मंत्रिमंडळात काम करण्याची संधी द्यावी ; मावळातील राष्ट्रवादीच्या पदाधिकाऱ्यांची अजितदादांकडे मागणी
– चार वाहनांमधून तब्‍बल 95 जनावरांची वाहतूक, दहा जणांवर गुन्हा दाखल, उर्से टोलनाक्याजवळील घटना । Maval News
– मावळात सर्वदूर थंडीची लाट… ग्रामीण भागात सर्वाधिक गारठा । Maval News
