नागरिकांनो काळजी घ्या… बदलत्या हवामानाचा होतोय आरोग्यावर परिणाम

Dainik Maval News : मावळ तालुका हा डोंगर दऱ्यांचा तालुका आहे. त्यामुळे मावळ तालुक्यात थंडीचा प्रभाव अधिक जाणवतो. त्यातही ग्रामीण भागात थंडीचा कडाका सर्वाधिक असतो. आता मावळात देखील थंडीची तीव्रता वाढू लागली आहे. त्यामुळे वातावरणात बदल जाणवू लागला असून त्याचा परिणाम नागरिकांच्या आरोग्यावर होताना दिसत आहे.

ढगाळ हवामान, मध्येच वाहणारे थंड वारे आणि अधूनमधून पडणारे कडक उन अशा विचित्र हवामानाचा सामना नागरिकांना करावा लागत आहे. याचा परिणाम नागरिकांच्या आरोग्यावर होत असून लहान मुले व वृद्धांना सर्वाधिक त्रास होत आहे. त्यामुळे सर्दी, खोकला, व्हायरल इन्फेक्शन होत आहे. सरकारी, खासगी दवाखाने या रुग्णांमुळे भरू लागली आहेत.

थंडीचे दिवस सुरू झाले आहेत. थंडीचा लोकांच्या आरोग्यावर परिणाम होत आहे. रात्री तापमान कमी झाल्याने लोकांनी गरम कपडे घालण्यास सुरुवात केलीय, ब्लँकेटचा वापरही सुरू झाला आहे. येत्या 2-3 महिन्यांपर्यंत थंडीपासून बचाव करण्यासाठी या मोसमात आरोग्याची योग्य काळजी घेणे गरजेचे आहे.

काय काळजी घ्याल?
1. हिवाळ्यात आहाराच्या सवयींमध्ये बदल करणे आवश्यक असते. हिवाळ्यात शरीराचे तापमान कमी होते, त्यामुळे विशेषतः रात्री भात खाणे टाळावे. ग्रामीण भागात अनेकजण रात्री उशिरा भात खातात, जे आरोग्यास हानिकारक ठरू शकते.

2. हिवाळ्यात गरम अन्न आणि कोमट पेयांचे सेवन शरीराच्या तापमानाला नियंत्रित ठेवते आणि रोगांपासून संरक्षण करते. गरम अन्न शरीराला गरम ठेवण्यास मदत करते, तसेच पचनाला सहाय्यक ठरते.

3. हिवाळ्यात आहारात शेंगदाणे आणि बदामांचा समावेश करावा. शेंगदाणे प्रोटीन, जीवनसत्त्वे, खनिजे, अँटीऑक्सिडंट्स आणि फायबरने समृद्ध असतात, ज्यामुळे शरीर आतून गरम राहते. शेंगदाण्यांतील फायबर पचनास मदत करते, तर व्हिटॅमिन सी रोगप्रतिकारक शक्ती वाढवते.

4. हिवाळ्यात रोगांपासून बचाव करण्यासाठी कोमट पाणी प्यावे, जे शरीराचे तापमान नियंत्रित ठेवते व पचनास मदत करते. हळद, आले व काळी मिरी यांसारख्या मसाल्यांचा वापरही फायद्याचा आहे. या मसाल्यांमध्ये अँटी-इंफ्लेमेटरी गुणधर्म असतात, जे संसर्गांपासून संरक्षण देतात.

( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– आमदार शेळकेंना मंत्रिमंडळात काम करण्याची संधी द्यावी ; मावळातील राष्ट्रवादीच्या पदाधिकाऱ्यांची अजितदादांकडे मागणी
– चार वाहनांमधून तब्‍बल 95 जनावरांची वाहतूक, दहा जणांवर गुन्हा दाखल, उर्से टोलनाक्याजवळील घटना । Maval News
– मावळात सर्वदूर थंडीची लाट… ग्रामीण भागात सर्वाधिक गारठा । Maval News