Dainik Maval News : धाकटी पंढरी अशी ओळख असलेल्या साजगाव-ताकई येथील श्री विठ्ठल-रुक्मिणी मातेच्या मंदिराजवळील यात्रा दोन दिवस बंद असणार आहे. प्रबोधिनी एकादशीपासून सुरु होणारी ही यात्रा पंधरा दिवस सुरु असते. परंतु यंदा विधानसभा निवडणुकीच्या पार्श्वभूमीवर बुधवार, दिनांक २० नोव्हेंबर रोजी मतदान असल्याने मंगळवारी (दि.१९ नोव्हेंबर) आणि बुधवारी (दि.२० नोव्हेंबर) अशी सलग दोन दिवस यात्रा बंद राहणार आहे.
कायदा सुव्यवस्था अबाधित राखण्यासाठी जिल्हाधिकारी रायगड यांच्या आदेशाने दि. १९ व २० नोव्हेंबर या दोन दिवशी यात्रा मंदिरा व्यतिरिक्त बंद ठेवण्याचे आदेश पारित करण्यात आले आहेत. त्यामुळे यात्रेतील व्यवसायिकांना आर्थिक फटका बसणार आहे.
साजगावच्या प्रसिद्ध बोंबल्या विठोबाची यात्रा सलग पंधरा दिवस असते. या यात्रेसाठी संपूर्ण रायगड, ठाणे जिल्ह्यांसह मुंबई, पुणे व महाराष्ट्रातील लाखो भाविक भेट देऊन विठ्ठलाचे दर्शन घेतात. खोपोली शिळफाट्यापासून अवघ्या ३ किलोमीटर अंतरावर उंच टेकडीवर श्री विठ्ठल रुक्मिणी मातेचे सुंदर मंदिर आहे. याठिकाणी सुकी मच्छी, बैलबाजार, खेळण्यांची दुकाने, मिठाईचे दुकाने, मनोरंजनासाठी विविध पाळणे खेळ आदींमुळे ही यात्रा प्रसिद्ध आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– पोलिसांचा आगळा वेगळा ‘मावळ पॅटर्न’ : भयमुक्त निवडणुकीसाठी तालुक्यातून 101 गुन्हेगार हद्दपार
– शांत – सुरक्षित आणि समृद्ध मावळसाठी उमेदवार बापूसाहेब भेगडे यांचा ‘वचननामा’ प्रसिद्ध । Bapu Bhegade
– होम ग्राउंडवर सुनिल शेळके यांचे भव्यदिव्य स्वागत ! हजारोंच्या संख्येने तळेगावकर रस्त्यावर । MLA Sunil Shelke in Talegaon
