ताम्हिणी घाटात प्लस व्हॅली परिसरातील कुंडात बुडून महाविद्यालयीन तरुणाचा मृत्यू; शिवदुर्ग टीमचे साहसी रेस्क्यू ऑपरेशन

ताम्हिणी घाटातील प्लस व्हॅली परिसरात कुंडात महाविद्यालयीन तरुण बुडाल्याची घटना मंगळवारी (दि. 12 डिसेंबर) रोजी घडली. बुडालेल्या तरुणाचा शोध घेण्यासाठी लोणावळ्यातील शिवदुर्ग रेस्क्यू पथकाकडून शोधमोहीम राबविण्यात आली. पथकातील स्वयंसेवकांनी कुंडात बुडालेल्या तरुणाचा मृतदेह रात्री उशीरा अथक प्रयत्नांनी बाहेर काढला. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )

रोहन विरेश लोणी (वय वर्षे 21 मुळ रा. सोलापूर, शिक्षणानिमित्त पुणे) हा मित्रांबरोबर ताम्हिणी घाटात प्लस व्हॅली इथे फिरायला आला होता. अवघड ठिकाणी खाली उतरून पाण्याच्या कुंडात ही मुले पोहायला उतरली. पोहताना दमछाक झाल्याने रोहन कुंडातील पाण्यात बुडाला. रोहन बुडाल्याचे लक्षात आल्यानंतर त्याच्याबरोबर असलेले मित्र घाबरले. त्यांनी या घटनेची माहिती पौड पोलिसांना दिली. पौड पोलिसांनी या घटनेची माहिती लोणावळ्यातील शिवदुर्ग रेस्क्यू पथकाला दिली आणि त्यांना मदतीसाठा पाचारण केले. ( Youth Died After Drowning In Kund at Plus Valley Tamhini Ghat Mulshi Search Operation By Shivdurg Team Lonavla )

प्लस व्हॅली जाण्यासाठी बरीच पायपीट आहे. मोठमोठे दगडगोटे, तीव्र उतार अशा ठिकाणी जाणे – येणे किंवा फोटो काढणे सोपे आहे. पण एखाद्या जखमी व्यक्तीला किंवा मृत व्यक्तीला बाहेर घेऊन येणे कठीण आहे. दुपारी साडे चार वाजता शिवदुर्ग टीम घटनास्थळी पोहोचली. पाण्यातून बॉडी शोधून, बाहेर काढून पॅक करण्यासाठी वेळ गेला संध्याकाळी सहा वाजता परतीचा प्रवास चालू केला. अंधारात खडतर प्रवास करुन रात्री साडे नऊ वाजता बॉडी वर काढली गेली.

आपत्ती व्यवस्थापन संस्था मुळशीचे प्रमोद बलकवडे, मानगाव आपत्ती व्यवस्थापनाचे शेलार मामा, पौड पोलीस स्टेशनचे अधिकारी कर्मचारी, वनखात्याचे कर्मचारी, अभयारण्य अधिकारी यांनी मोलाचे सहकार्य केले. तसेच शिवदुर्ग मित्र लोणावळा आणि वन्यजीव रक्षक संस्था मावळची टीम सचिन गायकवाड, महेश मसने, दिव्येश मुनी, अशोक उंबरे, सुनिल गायकवाड, योगेश उंबरे, प्रिंन्स बैठा, सागर कुंभार, योगेश दळवी, दुर्वेश साठे, अनिल आंद्रे आणि रमेश कुंभार हे या मोहिमेत सहभागी झाले होते.

अधिक वाचा –
– काले विविध कार्यकारी सहकारी सोसायटीच्या संचालक पदी कविता कालेकर आणि नामदेव कालेकर बिनविरोध
– दैनिक मावळचा अंदाज ठरला खरा! मावळ तालुक्याला मिळाले मोठे गिफ्ट, ग्लास स्कायवॉक प्रकल्पासाठी तब्बल 333 कोटींचा निधी
– हिवाळी अधिवेशनातून मावळ तालुक्याला मिळणार मोठी गुड न्यूज! मावळवासियांची उत्कंठा शिगेला, कोणती घोषणा होणार?