पवन मावळातील दारुंब्रे-कासारसाई रस्त्यासाठी मावळचे आमदार सुनिल शेळके यांच्या प्रयत्नातून २ कोटी ८५ लक्ष निधी उपलब्ध झाला असून या कामाचा मंगळवार (दि.६) भूमिपूजन समारंभ संपन्न झाला.
आमदार शेळके यांच्या पाठपुराव्यातुन अर्थसंकल्पीय कामे २०२२-२३ अंतर्गत प्रजिमा १५७ या कासारसाईकडे जाणाऱ्या मार्गावर सुमारे साडे सहा किलोमीटर रुंदीकरण व सुधारणा करण्यात येणार असून सद्यस्थितीत अरुंद असलेल्या साडेपाच मीटर रस्त्याचे रुंदीकरण करुन सात मीटर रुंद असा प्रशस्त रस्ता करण्यात येणार आहे. साईडपट्ट्यांचे देखील काम होणार आहे. ( sant tukaram sugar factory darumbre to kasarsai road work started )
दैनिक मावळचा व्हॉट्सअॅप ग्रुप जॉइन करण्यासाठी इथे क्लिक करा
संत तुकाराम कारखान्याकडे जाणारे ट्रक, ट्रॅक्टर ट्रॉली अशा अवजड वाहनांची संख्या या मार्गावर मोठ्या प्रमाणात असते. ऊस वाहतूकीच्या हंगामात अवजड वाहनांच्या संथ गतीमुळे वारंवार वाहतूक कोंडी होत असते. मुळशी तालुक्यात व आयटी पार्ककडे जाणारा हा एक मुख्य रस्ता आहे. तसेच कासारसाई धरण परिसरात येणाऱ्या पर्यटकांची संख्या दिवसेंदिवस वाढत आहे. त्यादृष्टीने रस्ता रुंद व्हावा अशी नागरिकांकडून वारंवार मागणी होत होती. आता रुंदीकरणाचे काम पूर्ण झाल्यानंतर या भागातील नागरिकांची वाहतूक कोंडी पासून देखील सुटका होणार आहे.याबद्दल ग्रामस्थांनी समाधान व्यक्त केले.
या भूमिपूजन समारंभ प्रसंगी संचालक संत तुकाराम साखर कारखाना सुभाष राक्षे, संचालक कृषी उत्पन्न बाजार समिती नथू वाघमारे, अमोल मोकाशी, नितीन मुऱ्हे, कार्याध्यक्ष राष्ट्रवादी युवक काँग्रेस सोमनाथ वाघोले, तालुकाध्यक्ष युवक काँग्रेस राजेश वाघोले, अध्यक्ष राष्ट्रवादी शिरगाव भानुदास गोपाळे, सरपंच दारुंब्रे उमेश आगळे, मा.उपसरपंच गणेश वाघोले, ईश्वर वाघोले, काळुराम वाघोले, भरत लिम्हन, बाळासाहेब मोकाशी, युवराज केदारी, उमेश केदारी, निलेश राक्षे, अनिल वाघोले, विशाल वाघोले, जालिंदर वाघोले, संदीप सोरटे, शरद भालेकर आदी उपस्थित होते.
अधिक वाचा –
– ‘श्री देवदर्शन यात्रा समिती पुणे’ यांच्याकडून ‘स्वच्छ सुंदर निर्मळ वारी’चे आवाहन । Wari 2023
– शिवराज्याभिषेक सोहळ्यादरम्यान झालेल्या मृत्यूच्या घटनांची सखोल चौकशी होणार – जिल्हाधिकारी । Shivrajyabhishek Sohala 2023