इनर व्हील क्लब ऑफ तळेगाव दाभाडे यांच्या मार्फत रुपीनगर, तळवडे येथील तृतीय पंथीयांसाठी आरोग्य तपासणी शिबिर आणि संवाद सत्राचे आयोजन करण्यात आले होते. क्लबच्या अध्यक्षा संध्या थोरात आणि त्यांच्या सहकाऱ्यांनी सदर ठिकाणी ततृीय पंथीयांच्या वसाहतीला भेट दिली आणि त्यांना क्लबच्या कार्याची माहिती दिली. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
तसेच, यापुढेही क्लबकडून कायम मदतीचा हात दिला जाईल, असे आश्वासन दिले. यावेळी तृतीयपंथीयांनीही त्यांच्या व्यथा मांडल्या. डॉ वर्षा वाढोकर यांच्या स्टाफने 35 किन्नरांची आरोग्य तपासणी केली. यात डॉ. दीपशिखा शिवणेकर, दमयंती वाणी, प्रिया यांनी त्यांचा अमूल्य वेळ दिला. गरजूंना मोफत औषधोपचार देण्यात आले. इनरव्हील क्लबच्या माजी अध्यक्षा संगीता जाधव यांनी ही औषधे उपलब्ध करून दिली. ( Health check up camp for Transgender by Innerwheel Club of Talegaon Dabhade )
ममता मराठे आणि ज्योती जाधव यांनी आर्थिक स्वरूपात मदत केली. सविता मंचरे यांनी टीना किन्नर यांच्याशी त्यांची ओळख करुन दिली. टीना किन्नर आणि गुरू माँ बाबा म्हस्के यांच्या सहकार्याने आणि अध्यक्षा संध्या थोरात यांच्या पुढाकाराने अत्यंत दुर्लक्षित समाजातील घटकापर्यंत पोहोचता आले. बाबा म्हस्के यांनी पुढाकार घेऊन ही वसाहत उभी केली.
अधिक वाचा –
– वडगावात श्री दत्त जयंती उत्सवानिमित्त गुरूचरित्र वाचन पारायण सोहळा; महिला भक्तांची लक्षणीय उपस्थिती
– आमदार शेळकेंच्या उपस्थितीत नवीन समर्थ विद्यालय आणि ज्युनिअर कॉलेजचे वार्षिक स्नेहसंमेलन आणि पारितोषिक वितरण संपन्न
– नागरिकांनो, नियमांचे पालन करा..! नाताळ सण, नववर्ष आणि शौर्य दिनाच्या पार्श्वभूमीवर कामशेत शहरात पोलिसांकडून रुट मार्च