नववर्षाचे दणक्यात स्वागत करण्यासाठी अनेक नागरिक आपले घर सोडून त्रयस्थ ठिकाणी जात असतात. धरणे, नदी, समुद्र यांच्या काठावर सरत्या वर्षाचा अखेरचा आणि येत्या वर्षाचा पहिला सुर्य पाहण्यासाठी अनेकजण जलाशयांच्या काठी मुक्काम करतात. इथेच मग पार्टी आणि जलविहाराचा आनंद घेत नव्या वर्षाचं स्वागत करण्यासाठी थर्टी फर्स्टची पार्टी रंगते. परंतू अनेकदा अशा ठिकाणी केलेल्या आतातायीपणामुळे अनेकांचे जीव जातात. आणि सरत्या वर्षाचा सुर्य हा जीवनातील अखेरचा ठरतो. मावळ तालुक्यात आज, रविवार (दि. 31 डिसेंबर) रोजी अशीच दुर्घटना घडली असून थर्टी फर्स्टची पार्टी करण्यासाठी इंद्रायणी नदी काठी आलेल्या मित्रांच्या जथ्यातील एकाचा इंद्रायणी नदी पात्रात बुडून दुर्दैवी मृत्यू झाला आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
मयूर भाटी ( वय 30, रा. शिक्षक सोसायटी वराळे) असे नदीत बुडून मृत पावलेल्या व्यक्तीचे नाव आहे. वराळे गावाच्या हद्दीत इंद्रायणी नदी पात्रात बुडून त्यांचा मृत्यू झाला. याप्रकरणी तळेगाव एमआयडीसी पोलिसांत नोंद करण्यात आली असून पोलिस पुढील तपास करत आहेत. पोलिसांनी दिलेल्या माहितीनुसार मृत मयूर आपल्या मित्रांसमवेत वराळे इंद्रायणी नदी काठी थर्टी फर्स्टची पार्टी करण्यासाठी आले होते. यात मयूर हे पाण्यात पोहोण्यासाठी उतरले. त्यानंतर त्यांचा बु़डून मृत्यू झाला. बाकीच्या मित्रांना मयूर बुडाल्याचे समजताच त्यांनी मदतीसाठी संपर्क केले. त्यानंतर वन्यजीव रक्षक मावळ संस्थेचे सदस्य आणि पोलिस घटनास्थळी आले. त्यांनी मृतदेह पाण्याबाहेर काढला. ( Thirty First Party 30 year old man dies after drowning in Indrayani River Talegaon MIDC Police )
अधिक वाचा –
– पुन्हा होणार विठू नामाचा जागर! कामशेत इथे 1 जानेवारीपासून कीर्तन महोत्सव, ‘हे’ प्रसिद्ध कीर्तनकार करणार कीर्तनसेवा । Maval Kirtan Festival
– ‘बीआरटी थांब्यांची दुर्दशा, प्रवाशांची सुरक्षा वाऱ्यावर’ : पिंपरी-चिंचवडमधील बीआरटी मार्गांवरील विदारक परिस्थिती । Dainik Maval Special Report
– पवना धरण परिसरात येणाऱ्या पर्यटकांसाठी महत्वाची बातमी! पवनानगर इथे वाहतूकीत बदल, पोलिसांची सुचना, लगेच वाचा
