हॅन्ड इन हॅन्ड इंडिया तळेगाव दाभाडे (hand in hand india talegaon dabhade) आणि बेलस्टार मायक्रोफायनान्स (belstar microfinance) यांच्या संयुक्त विद्यमानाने गुरुवारी (दि. 18 जानेवारी) आळंदी इथे महिला मेळावा आयोजित करण्यात आला होता. या कार्यक्रमामध्ये केंद्र आणि राज्य सरकार यांच्या सामाजिक सुरक्षा योजना – प्रधानमंत्री सुरक्षा बिमा योजना, प्रधानमंत्री जीवन ज्योती बीमा योजना, ई-श्रम कार्ड, सुकन्या समृद्धी योजना इत्यादी विविध योजनांची माहिती देण्यात आली. तसेच हळदी कुंकू आणि महिलांसाठी विविध खेळांचे आयोजन करण्यात आले होते. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
ग्रामीण भागातील अनेक नागरिकांना केंद्र आणि राज्य शासनातर्फे राबविल्या जाणाऱ्या विविध योजनांबाबत पुरेशी माहिती नसल्यामुळे योजना पात्र लाभार्थ्याच्या पर्यंत पोहोचत नाहीत. त्यामुळे कार्यक्रमामार्फत पात्र लाभार्थ्यांना योजनांचा लाभ मिळवून देणे हा या कार्यक्रमाचा उद्देश आहे. सदर कार्यक्रमामध्ये आळंदी मधील 253 महिलांनी उपस्थिती नोंदवली. यावेळी हॅण्ड इन हॅण्ड इंडिया व बेलस्टारच्या सहकार्याने महिला उद्योजकतेला प्रोत्साहन देऊन महिला सक्षमीकणासाठी कार्यरत असल्याबाबत माहिती देण्यात आली.
कार्यक्रमामध्ये बेलस्टार, वरिष्ठ झोनल प्रमुख वसिम पठाण, पुणे प्रदेश व्यवस्थापक बालाजी वेदपाठक, हॅन्ड इन हॅन्ड इंडियाचे अनिल पिसाळ, बेलस्टार सी. एस. आर. प्रकल्प महाराष्ट्र राज्य समन्वयक परमेश्वर कांबळे, पुणे-मावळ क्षेत्रीय समन्वयक सारिका शिंदे, सरस्वती ठाकूर, सागर दांडगे, कविता ढोकरे, सुवर्णा काळे, सारिका दडस, पंढरीनाथ बालगुडे आणि मोठ्या संख्येने महिला उपस्थित होत्या. ( women gathering for awareness about government schemes at alandi )
अधिक वाचा –
– महिला आर्थिक सक्षमीकरणासाठी मदतीचा हात; मालेवाडी, महागाव येथे महिलांना पिठाची गिरण आणि मसाला बनवण्याच्या यंत्राचे वाटप
– मुंबईच्या दिशेने निघालेले मराठ्यांचे भगवे वादळ 24 तारखेला मावळ तालुक्यात येणार; वाकसई इथे 100 एकरात जंगी सभेची तयारी । Maratha Reservation
– सिनेस्टाईल पाठलाग करून पकडली गाडी, एफडीएच्या धडक मोहिमेत 47 लाखांचा प्रतिबंधित साठा जप्त । Pune Crime News
