अनेक दिवसांच्या प्रतीक्षेनंतर अखेर शिवसेना पक्षाने (एकनाथ शिंदे) लोकसभा निवडणूक 2024 साठीची पक्षाच्या उमेदवारांची पहिली यादी प्रसिद्ध केली आहे. या यादीत एकूण 8 मतदारसंघांचा समावेश आहे. अर्थात एकूण 8 लोकसभा उमेदवारांच्या नावांची घोषणा केली आहे. पहिल्या यादीतच संपूर्ण राज्याचे लक्ष लागलेल्या मावळ लोकसभेसाठी शिवसेना पक्षाकडून श्रीरंग बारणे यांना पुन्हा एकदा उमेदवारी देण्यात आली आहे. तर राहुल शेवाळे, धैर्यशील माने यांनाही पुन्हा संधी देण्यात आली आहे. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअ‍ॅप चॅनेल जॉईन करा )
लोकसभा निवडणूक – 2024 साठी शिवसेनेच्या उमेदवारांची पहिली यादी खालीलप्रमाणे;
30 मुंबई दक्षिण मध्य – राहुल शेवाळे
47 कोल्हापूर – संजय मंडलिक
38 शिर्डी (अजा) – सदाशिव लोखंडे
5 बुलढाणा – प्रतापराव जाधव
15 हिंगोली – हेमंत पाटील
33 मावळ – श्रीरंग बारणे
9 रामटेक (अजा) – राजू पारवे
48 हातकणंगले – धैर्यशील माने
मावळ लोकसभेत वाघेरे विरुद्ध बारणे लढत –
मावळ लोकसभा मतदारसंघात काही दिवसांपूर्वीच शिवसेना उद्धव बाळासाहेब ठाकरे पक्षाकडून संजोग वाघेरे पाटील यांना उमेदवारी जाहीर करण्यात आली होती. शिवसेना उबाठा हा महाविकासआघाडीचा घटकपक्ष आहे. तर, आज (दि. 28) शिवसेना पक्षाकडून (एकनाथ शिंदे) विद्यमान खासदार श्रीरंग बारणे यांना तिसऱ्या टर्मसाठीचे तिकीट देण्यात आले आहे. शिवसेना हा महायुतीतील पक्ष आहे. याचा अर्थ जर बंडखोरी झाली नाही तर, मावळ लोकसभेत संजोग वाघेरे विरुद्ध श्रीरंग बारणे अशी थेट दुरंगी लढत होईल. ( First list of Shiv Sena candidates for Lok Sabha Elections 2024 announced Shrirang Barne again in Maval )
अधिक वाचा –
– पक्के ड्रायव्हिंग लायसन्स पाहिजे? आरटीओकडून एप्रिल महिन्यातील दौऱ्याचे वेळापत्रक जाहीर, पाहा आवश्यक कागदपत्रे
– मावळ लोकसभेच्या उमेदवारीवर आमचा अधिकार, भारतीय जनता पार्टीने मला संधी द्यावी! पाहा कोणी केलीये मागणी । Maval Lok Sabha Election
– मोठी बातमी! लोकसभा निवडणुकीच्या पार्श्वभूमीवर शस्त्र बाळगण्याबाबत निर्बंध लागू, वाचा सविस्तर । Pune News
