देशात सध्या केंद्रात असलेल्या भाजपा सरकारकडून सुरू असलेली हुकुमशाही आणि एकाधिकारशाही या विरुध्द काँग्रेस पक्षाच्या नेतृत्त्वाखाली इंडिया आघाडीच्या माध्यमातून लढा देण्याचे काम सुरू आहे. शेतकरी, कामगार, कष्टकरी, सामान्य मतदाराने देशात परिवर्तनाचा निश्चय केलेला आहे. मावळ लोकसभा मतदारसंघात देखील संजोग वाघेरे पाटील यांना विजयी करून इंडिया आघाडी आणि महाविकास आघाडीचा खासदार दिल्लीत पाठवू, असे आवाहन काँग्रेस शहराध्यक्ष डॉ. कैलास कदम यांनी केले. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअ‍ॅप चॅनेल जॉईन करा )
मावळ लोकसभा मतदारसंघाचे महाविकास आघाडी व इंडिया आघाडीचे उमेदवार माजी महापौर संजोग वाघेरे पाटील यांच्या प्रचारार्थ शहर कॉंग्रेस पदाधिकारी व कार्यकर्त्यांची नियोजन बैठक पिंपरीतील खराळवाडीत पार पडली. त्यावेळी ते बोलत होते. या बैठकीला उमेदवार संजोग वाघेरे पाटील यांच्यासह काँग्रेसचे माजी महापौर कविचंद भाट, माजी नगरसेवक बाबू नायर, अशोक मोरे, शामलाताई सोनावणे, वरिष्ठ उपाध्यक्ष नरेंद्र बनसोडे, भरत वाल्हेकर, चिंचवड ब्लॉक अध्यक्ष ज्ञानेश्वर मलशेट्टी, पिंपरी ब्लॉक अध्यक्ष विश्वनाथ जगताप, भोसरी ब्लॉक अध्यक्ष विठ्ठल शिंदे आदी पदाधिकारी, कार्यकर्ते मोठ्या संख्येने उपस्थित होते. ( Pimpri Chinchwad Mahavikas Aghadi meeting Maval Lok Sabha candidate Sanjog Waghere )
डॉ. कैलास कदम यांनी देशात इंडिया आघाडीच्या माध्यमातून व राज्यात महाविकास आघाडीच्या माध्यमातून आपले नेते भाजप विरोधात लढत आहे. त्यांना बळ देण्याची व प्रत्येक जागेवर आपल्या आघाडीचा उमेदवार विजयी करण्याची आपली सर्वांची जबाबदारी असल्याचे नमूद केले. तसेच, बैठकीत मावळ लोकसभा मतदारसंघातील प्रचाराच्या विविध जबाबदा-यांचे वाटप यावेळी करण्यात आले.
ही लढाई आपणच जिंकणार – संजोग वाघेरे पाटील
“पिंपरी चिंचवड शहरात विविध पदांवर व राजकीय जबाबदा-या पार असताना काँग्रेस पक्षासोबत काम केले आहे. मागच्या काळात महागाई, बेरोजगारी, कामगारांच्या प्रश्नावर, तसेच शहरातील विविध मुद्द्यांवर काँग्रेससोबत रस्त्यावर उतरून आपण आंदोलने केली. आपली सर्वांची लढाई देश हिताची, तसेच कष्टकरी, कामगार, सामान्य माणसाच्या न्यायासाठी आहे. सर्व मिळून लढणार आणि आपणच जिंकणार आहोत,” असा विश्वास यावेळी महाविकासआघाडीचे उमेदवार संजोग वाघेरे पाटील यांनी व्यक्त केला.
अधिक वाचा –
– हिंदू नववर्षानिमित्त वडगाव मावळ शहरात भव्य बाईक रॅली । Vadgaon Maval
– लोकसभा निवडणूकीच्या धामधुमीत लोणावळ्यामधील ठाकरे गटाच्या अनेक नेत्यांचा शिंदेंच्या शिवसेनेत पक्षप्रवेश । Maval Lok Sabha
– मोठी कारवाई! पुणे जिल्ह्यात ‘या’ दोन ठिकाणी 65 लाख रुपयांची रोकड आणि वाहन जप्त । Pune News
