वडगाव (ता. मावळ) येथील मोरया प्रतिष्ठानच्या वतीने शहरातील लहान मुलांसाठी “सफर गड दुर्गांची” ही मोहिम राबवली जात आहे. या मोहिमेअंतर्गत प्रत्येक महिन्याला एका किल्ल्याची अभ्यास सहल मुलांना घडवली जाते. छत्रपती शिवाजी महाराज यांनी स्वराज्य निर्माण करत असताना जवळपास 350 ते 400 गडदुर्ग ताब्यात घेऊन, जिंकून स्वराज्य स्थापन केले. छत्रपती शिवरायांचा हा इतिहास समजून घ्यायचा असेल तर गड दुर्गांशिवाय पर्याय नाही, म्हणून हे अभियान राबवले जात आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
ह्या गडदुर्ग मोहिमेअंतर्गत पाचवी सहल ही पवन मावळ भागातील किल्ले तिकोणा गडावर गेली होती. मोरया प्रतिष्ठानची ही पाचवी मोहीम रविवारी (दि. 14) यशस्वीरित्या पार पडली. एप्रिल महिना खूप उन्हाचा आहे आणि परीक्षा संपून मुलांना सुट्ट्या लागल्या आहेत, त्यामुळे अनेक मुले गावी गेलीत. तरीही तब्बल 90 मुले या सहलीत सहभागी झाली होती. ( Fort Study Mission for Children From Vadgaon Maval Fifth Trip On Tikona Killa )
किल्ल्यावरील देवडी दरवाजातून जाऊन चपेटदार मारुतीचे दर्शन घेतले. नंतर तळजाई देवीचे दर्शन घेतले. नंतर बालेकिल्ल्यावर जाऊन वितांडेश्वराचा अभिषेकही केला. आकाश एकदम निरभ्र मोकळे होते, त्यामुळे गडावरून राजगड, सिंहगड, तोरणा, लोहगड, विसापूर, तुंग, मोरगिरी या सात गडांचे दर्शनही घेता आले. गडाची सर्व माहिती गडपाल सुजितभाऊ मोहोळ, गणेशदादा जाधव यांनी दिली. सकाळी लवकर गेल्यामुळे साडेदहा वाजता पुन्हा गड उतार होता आले.
अधिक वाचा –
– RSS कडून भारतरत्न डॉ. बाबासाहेब आंबेडकर यांना जयंतीदिनी अभिवादन
– उर्से गावात किल्ले बनवा स्पर्धेला उत्स्फूर्त प्रतिसाद; हुबेहुब किल्ला साकारणाऱ्या चिमुकल्यांना बक्षिसे वाटप
– स्व. बाळासाहेब ठाकरे यांच्या स्मृती दिनानिमित्त लोणावळा शहरात शिवसेना ठाकरे गटाकडून विविध कार्यक्रम
