Mumbai Pune Railway Service : मध्य रेल्वेकडून सध्या कर्जत-लोणावळा घाटात मान्सूनपूर्व कामे सुरू आहेत. या कामांची मध्य रेल्वेचे महाव्यस्थापक रामकरण यादव यांनी शुक्रवारी (दि. 19) पाहणी केली. पावसाळ्यात लोणावळा ते कर्जतदरम्यान लोहमार्गावर दरडी कोसळण्याच्या घटना घडतात. त्यामुळे पुणे-मुंबई मार्गावरील रेल्वे सेवा विस्कळीत होते. म्हणून यंदा प्रथमच लोणावळा ते कर्जत दरम्यानच्या घाटमाथ्याची पाहणी करण्यात आली. यावेळी मध्य रेल्वेच्या मुंबई विभागाचे विभागीय रेल्वे व्यवस्थापक रजनीश गोयल आणि इतर वरिष्ठ अधिकारी उपस्थित होते. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
कर्जत-लोणावळा घाट भाग हा मुंबई आणि पुण्याला जोडणारा महत्वाृचा दुवा आहे. सदर घाट विभागात असलेले रेल्वेचे 52 बोगदे, 250 मीटर उंच खडक आणि तीव्र चढ-उतार असलेला हा भाग अत्यंत महत्वाचा आहे. पावसाळ्यात येथे अनेकदा नैसर्गिक आपत्तींमुळे रेल्वे वाहतूक विस्कळीत होते. त्यामुळे महाव्यवस्थापक स्तरावरील अधिकाऱ्यांमार्फत प्रथमच या घाटमाथ्यावरील मार्गाची पाहणी करण्यात आली. शुक्रवारी पहाटे 5 वाजता सुरू झालेल्या या मोहिमेने पहाटेपासून घाटमाथ्याचे सकाळी 7 पर्यंत सुमारे 3.5 किलोमीटर अंतर कापले. मंकी हिल केबिन ते ठाकूरवाडी या सर्वात महत्त्वाच्या भागाचीही पाहणी झाली. ( Mumbai Pune railway service will run smoothly during monsoon inspection of Karjat Lonavla ghat by Central Railway )
डोंगरातील पाण्याच्या प्रवाहांची पाहणी केल्यानंतर महाव्यवस्थापक यादव यांनी काही सुचना केल्या. डोंगररांगांतून खाली येणारे पावसाचे पाणी योग्य पद्धतीने वाहून जावे, यासाठी उपाययोजना करण्याचे निर्देशही त्यांनी दिले. तसेच, काही ठिकाणी नवीन नाल्यांची बांधणी करण्याच्या सूचना दिल्या. वारंवार दरडी कोसळण्याची ठिकाणे तपासून त्याठिकाणी योग्य त्या उपाययोजना करण्याच्या सूचना त्यांनी अधिकाऱ्यांना केल्या.
अधिक वाचा –
– भगवान महावीर जन्म कल्याणक दिनानिमित्त तळेगाव दाभाडे येथे भव्य रक्तदान शिबिर । Talegaon Dabhade
– महाविकास आघाडीचे उमेदवार संजोग वाघेरे यांच्या चिंचवडमधील पदयात्रेला मतदारांचा उत्स्फूर्त प्रतिसाद । Maval Lok Sabha
– Maval Lok Sabha : मुख्यमंत्र्यांच्या उपस्थितीत श्रीरंग बारणे भरणार उमेदवारी अर्ज, जोरदार शक्तीप्रदर्शनाची तयारी
