लोकसभा निवडणूक कार्यक्रमानुसार मावळ लोकसभा मतदारसंघ चौथ्या टप्प्यात आहे. त्यामुळे 25 तारखेला मावळ मतदारसंघात उमेदवारी अर्ज दाखल करण्याचा शेवटचा दिवस होता. तर, शुक्रवारी (दि. 26) दाखल झालेल्या उमेदवारी अर्जांची छाननी करण्यात आली. या छाननीत 38 उमेदवारांनी दाखल केलेल्या एकूण 50 नामनिर्देशन अर्जांनी छाननी करण्यात आली. त्यात 3 उमेदवारांचे अर्ज बाद ठरवण्यात आले. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
मावळ लोकसभा मतदारसंघात 38 पैकी 3 उमेदवारांचे अर्ज बाद करण्यात आले. कागपत्रांची पूर्तता न करणे, वेळेत डिपॉझिट न भरणे आदी कारणांमुळे हे अर्ज बाद करण्यात आल्याचे मावळ चे निवडणूक निर्णय अधिकारी दीपक सिंगला यांनी सांगितले. महत्वाचे म्हणजे संबंधित अधिकाऱ्यांकडून उमेदवारांना कागदपत्रांची पूर्तता करणे, डिपॉझिट भरणे यांबाबत कळवण्यात आले होते. परंतू वेळेत याची पुर्तता न झाल्याने दीपक सिंगला यांनी सदरहू अर्ज बाद केले. ( Maval Lok Sabha Constituency Scrutiny of candidature application Three applications rejected )
अर्ज बाद केलेले 3 उमेदवार –
अर्ज बाद केलेल्या उमेदवारांमध्ये संजय वाघेरे या उमेदवाराचाही अर्ज बाद करण्यात आला आहे. संजोग वाघेरे यांच्या नावाशी साधर्म्य असल्याने या उमेदवाराची चर्चा झाली होती. परंतू संजय वाघेरे यांकडून विहित वेळेत मतदार यादीतील नावाची साक्षांकीत प्रत देता आली नाही. त्यामुळे त्यांचा अर्ज बाद करण्यात आला.
तसेच राजेंद्र छाजछिडक यांचाही उमेदवारी अर्ज बाद करण्यात आला. त्यांनी एक प्रतिज्ञापत्र जोडले नव्हते, त्यामुळे त्यांचा अर्ज बाद झाला. आणि विजय ठाकूर यांचाही उमेदवारी अर्ज बाद ठरविण्यात आलाय. ठाकूर यांनी अनामत रक्कम न भरल्याने त्यांचा अर्ज बाद झाला.
अधिक वाचा –
– मावळचा ‘रणसंग्राम’ : मावळ लोकसभेसाठी 38 उमेदवारांकडून एकूण 50 नामनिर्देशन अर्ज दाखल, पाहा संपूर्ण यादी । Maval Lok Sabha
– श्रीरंग बारणे यांच्या प्रचारासाठी लोणावळ्यात महायुतीचा पदाधिकारी-कार्यकर्ता मेळावा । Lonavala News
– महिंद्रा कंपनीकडून तळेगावमधील ॲड. पु. वा. परांजपे शाळेला ‘सॅनिटरी नॅपकिन वेंडिंग आणि डिस्पोजल मशीन’ची मदत । Talegaon Dabhade
