Vadgaon Maval : वडगाव मावळ येथील स्व. पै.केशवराव ढोरे प्रतिष्ठान आयोजित सामुदायिक विवाह सोहळा, हा येत्या बुधवार दिनांक 1 मे 2024 रोजी संपन्न होणार असून या विवाह सोहळ्यात 11 जोडपी विवाहबद्ध होणार आहे, अशी माहिती प्रतिष्ठानचे अध्यक्ष पंढरीनाथ ढोरे आणि सामुदायिक विवाह सोहळा समिती अध्यक्ष रोहिदास गराडे, कार्याध्यक्ष बाळासाहेब तुमकर, कार्यक्रम प्रमुख अरुण वाघमारे यांनी दिली. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
ग्रामदैवत श्री पोटोबा महाराज मंदिर प्रांगणात बुधवारी पहाटे श्रींच्या अभिषेकाने या सोहळ्याचा शुभारंभ होणार आहे. सकाळी 11 वाजता साखरपुडा, दुपारी 12 ते 3 पर्यंत भोजन समारंभ, दुपारी 1.30 वाजता हळदी समारंभ, दुपारी 3 ते 5 नवरदेवाची भव्य मिरवणूक व सायंकाळी 5.30 वाजता लग्न सोहळा संपन्न होणार आहे. दरम्यान या सोहळ्यानिमित्त सकाळी 9 ते 1 पर्यंत रक्तदान शिबिर आयोजित करण्यात आले आहे. ( Community Marriage Ceremony organized by Keshavrao Dhore Pratishthan on 1st May 2024 at Vadgaon Maval )
याप्रसंगी हभप नितीन महाराज काकडे, मंगल महाराज जगताप, तुषार महाराज दळवी, दत्तात्रय महाराज टेमगिरे, सुदाम महाराज सानप, बाळासाहेब काशीद, माजी राज्यमंत्री मदन बाफना, संजय (बाळा) भेगडे, खासदार श्रीरंग बारणे, आमदार सुनील शेळके, संजोग वाघेरे, बापूसाहेब भेगडे आदी उपस्थित राहणार आहेत. लग्न समारंभ पूर्वी होणारी नवरदेवाची मिरवणूक या सोहळ्याचे खास आकर्षण असणार आहे.
याप्रसंगी उपस्थित राहणाऱ्या हजारो वऱ्हाडी मंडळींना बसण्यासाठी भव्य मंडप तसेच भोजन व्यवस्था करण्यात आली आहे. सोहळ्यात सहभागी होणाऱ्या जोडप्यांना संपूर्ण पोशाख, संसारपयोगी भांडी, वधूला चांदीचे अलंकार, मनगटी घड्याळ देण्यात येणार असून लकी ड्रॉ ही ठेवण्यात आला आहे. या लकी ड्रॉ च्या माध्यमातून सर्व जोडप्यांना आकर्षक वस्तू भेट मिळणार आहे. सामुदायिक विवाह सोहळा समितीचे पदाधिकारी नंदकुमार ढोरे, योगेश वाघवले, संभाजी येळवंडे, अभिजीत ढोरे, अनिल कोद्रे, संतोष निघोजकर यांच्यासह प्रतिष्ठानचे पदाधिकारी नियोजन करत आहेत.
अधिक वाचा –
– वडगाव शहरात महाविकासआघाडीने पेटवली संजोग वाघेरे यांच्या प्रचाराची ‘मशाल’ । Vadgaon Maval
– “…आता तेच अजित पवार हे श्रीरंग बारणेंचा पराभव करतील” – संजय राऊत । Maval Lok Sabha
– तळेगाव दाभाडे येथे 20 वधू-वरांचा सामुदायिक विवाह सोहळा संपन्न । Talegaon Dabhade
