लोकसभा निवडणूक 2024 च्या चौथ्यात टप्प्यातील लोकसभा मतदारसंघात काल (दि. 13 मे) मतदान पार पडले. 33 मावळ लोकसभा मतदारसंघातही काल चौथ्या टप्प्यात मतदानाची प्रक्रिया पुर्ण झाली. प्रशासनाने सर्वोतपरी प्रयत्न करूनही मतदानाचा टक्का काही उंचावता आलेला नाही. मावळ लोकसभा मतदारसंघात सरासरी 52.30 टक्के मतदान झाल्याची माहिती मुख्य निवडणूक अधिकारी दीपक सिंगला यांनी दिली. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
उरण विधानसभेत सर्वाधिक मतदान –
मावळ लोकसभेत सरासरी एकूण 52.90 टक्के मतदान झाले, लोकसभा मतदारसंघातील अंतर्गत विधानसभा क्षेत्रात झालेल्या मतदानाची सरासरी आकडेवारी खालीलप्रमाणे, ( 52.90 percent voting in Maval Lok Sabha Constituency 53.02 percent voting in Maval Vidhansabha )
चिंचवड विधानसभा – 49.43
कर्जत विधानसभा – 60.12
मावळ विधानसभा – 53.02
पनवेल विधानसभा – 49.21
पिंपरी विधानसभा – 48.25
उरण विधानसभा – 64.75
मावळ विधानसभेत 53.02 टक्के मतदान –
मावळ लोकसभा मतदारसंघ अंतर्गत मावळ विधानसभा मतदारसंघात एकूण 53.02 टक्के मतदान झाल्याची माहिती सहाय्यक निवडणूक अधिकारी सुरेंद्र नवले यांनी दिली. मावळ विधानसभा क्षेत्रात सकाळपासूनच मतदानासाठी उत्साह दिसून आला. तसेच प्रशासनाने अत्यंत चांगले नियोजन केले होते. परंतू संध्याकाळच्या पावसाळी वातावरणाने मतदानाला थोडाफार फटका बसला. तरीही मावळ लोकसभेतील एकूण मतदानापेक्षा मावळ विधानसभा क्षेत्रात झालेल्या मतदानाची टक्केवारी अधिक आहे.
अधिक वाचा –
– कर्जतमध्ये फेरमतदान घ्या, श्रीरंग बारणे यांची मागणी, जाणून घ्या कारण
– मावळ लोकसभेतील उमेदवार संजोग वाघेरे आणि श्रीरंग बारणे यांनीही बजावला सहकुटुंब मतदानाचा अधिकार । Maval Lok Sabha
– तब्बल 20 वर्षांनी पुन्हा भरली शाळा ! जुन्या पाखरांच्या किलबिलाटाने एकविरा विद्यालयाचे प्रांगण पुन्हा गजबजले
