Talegaon Dabhade News : मावळ तालुक्यातील महत्वाचे शहर असलेल्या तळेगाव दाभाडे शहरातून एक थरारक घटना समोर आली. तळेगाव दाभाडे शहरात आज (दि. 20 जून) रात्री आठ ते सव्वाआठच्या सुमारास टोळक्यांकडून हवेत गोळीबार केला गेल्याची माहिती मिळत आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
प्राप्त माहितीनुसार, तळेगाव दाभाडे शहरात तीन ते चार ठिकाणी अज्ञात टोळक्यांनी हवेत गोळीबार केला. मास्क घालून आलेल्या तीन ते चार जणांनी हवेत गोळीबार केल्याची प्राथमिक माहिती मिळत आहे. तरूणांनी दुचाकीवर येऊन मारूती चौक, शाळा चौक, राजेंद्र चौक आदी ठिकाणी हवेत फायरिंग केल्याची प्राथमिक माहिती स्थानिकांकडून मिळत आहे. या प्रकारामुळे शहरात प्रचंड भीतीचे वातावरण पसरले आहे. ( Big News Shooting in air in Talegaon Dabhade city atmosphere of fear among citizens )
तळेगाव दाभाडे पोलिसांनी घटनेची माहिती मिळताच शहरात बंदोबस्त वाढवला असून तपास सुरू केला आहे. हवेत गोळीबार झालेल्या ठिकाणी निकामी झालेली काडतूसे पोलिसांना आढळून आली आहेत. तसेच प्रत्यक्षदर्शींच्या माहितीच्या आधारे सध्या पोलिस तपास करत आहेत. परंतू तालुक्याचे महत्वाचे शहर असलेले तळेगाव दाभाडे शहर भयमुक्त केव्हा होणार? असा सामन्यांना प्रश्न आहे.
काही दिवसांपूर्वीच तळेगाव शहरात गोळीबाराची घटना घडली होती. चोरीच्या उद्देशाने आलेल्या चोरट्यांनी तेव्हा गोळीबार केला होता. यात एका पोलिसाने हटकल्याने काही अघटीत होण्यापासून वाचले होते. परंतू हा प्रकार आणखीन किती दिवस चालणार, हवेत गोळीबार करणारे नेमके कोण आणि त्यांना शिक्षा कधी होणार, हे सर्व प्रश्न कधी सुटतात, ते पाहावे लागेल.
अधिक वाचा –
– वडगावात दिसले एकीचे बळ ! सर्वपक्षीय रास्ता रोको आंदोलनाने प्रशासन खडबडून जागे, उपाययोजनांची अंमलबजावणी सुरू । Vadgaon Maval Accident
– ‘लोकसभेतील पराभवाने खचून न जाता पुन्हा ताकदीने मैदानात उतरू’, लोणावळा येथील बैठकीत ‘वंचित’चा निर्धार । Lonavala News
– शिवसेना पक्षाच्या 58व्या वर्धापन दिनानिमित्त लोणावळ्यात वृक्ष लागवडीसह स्वच्छता मोहिम । Lonavala News
