काँग्रेस पक्षाचे खासदार राहुल गांधी यांची काँग्रेसच्या संसदीय दलाकडून लोकसभेतील सभागृह नेतेपदी निवड करण्यात आली आहे. काँग्रेस पक्षाचे जनरल सेक्रेटरी केसी वेणूगोपाल यांनी ही माहिती दिली. मंगळवारी (दि. 25) दुपारी लोकसभेचे सदस्य म्हणून शपथ घेतल्यानंतर लगेचच राहुल गांधी यांच्यावर ही जबाबदारी देण्यात आली आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
राहुल गांधी 2004 पासून काँग्रेसचे खासदार आहेत. यंदा 18 व्या लोकसभेत ते रायबरेली आणि वायनाड अशा दोन मतदारसंघातून निवडून आले होते. त्यांनी वायनाड येथील प्रतिनिधीत्व सोडले असल्याने सध्या ते रायबरेलीचे खासदार म्हणून आजच (दि. 25) शपथबद्ध झाले. त्यानंतर सायंकाळी त्यांच्यावर काँग्रेस पक्षाने लोकसभेतील सभागृह नेते म्हणून जबाबदारी टाकली आहे. ( Congress MP Rahul Gandhi has been appointed as LoP in Lok Sabha says KC Venugopal )
लोकसभा निवडणूकीच्या प्रचारादरम्यान पंतप्रधान नरेंद्र मोदी यांच्या विरोधात राहुल गांधी यांनी देशभर रान पेटवले होते. त्यांनी एकट्याने मोदींना अंगावर घेतले होते. आधी भारत जोडो यात्रा आणि त्यानंतर संविधान बचाव चा नारा या दोन्हीतून त्यांनी प्रतिस्पर्धी भाजपाला जेरीस आणले होते. अदानींशी असलेले संबंध या मुद्द्यावर राहुल गांधी नेहमीच नरेंद्र मोदी यांच्यावर टीका करत आलेत. त्यामुळे आता 18व्या लोकसभेत जेव्हा भाजपा बहुमतात नाही, अशावेळी राहुल गांधी प्रमुख विरोधी पक्षाचे सभागृह नेता म्हणून कशी कामगिरी करतात, हे पाहावे लागेल.
“Congress MP Rahul Gandhi has been appointed as the LoP in the Lok Sabha, says Congress general secretary KC Venugopal pic.twitter.com/8AYbBlkEbV
— ANI (@ANI) June 25, 2024
नेता विपक्ष, आपके राहुल ❤️ pic.twitter.com/0VEJslCzaA
— Congress (@INCIndia) June 25, 2024
अधिक वाचा –
– 14 वर्षानंतर पुन्हा भरली शाळा ! पवना विद्या मंदिर शाळेत 2009 वर्षातील माजी विद्यार्थ्यांचा स्नेह मेळावा संपन्न
– मावळ तालुक्यातील 5 हजार वारकरी बंधु-भगिनींना पोशाख देऊन आमदार सुनिल शेळकेंनी व्यक्त केली कृतज्ञता । MLA Sunil Shelke
– वाढदिवसानिमित्त दिव्यांग विद्यार्थ्यांच्या शाळेत शालेय साहित्य आणि खाऊचे वाटप । Maval News