व्यावसायिक प्रशिक्षण घेऊन महिलांनी स्वयंरोजगारासाठी सक्षम व्हावे, असे आवाहन मावळचे आमदार सुनिल शेळके यांच्या पत्नी सारिका शेळके यांनी केले. ‘कुलस्वामिनी महिला मंच, मावळ’ यांच्या वतीने देहू शहरातील महिलांसाठी अन्नपूर्णा बँक्वेट हॉल येथे आयोजित केलेल्या मोफत आरी वर्क आणि शिवणकला प्रशिक्षण वर्गाचे उद्घाटन सारिका शेळके यांच्या प्रमुख उपस्थितीत करण्यात आले, यावेळी त्या बोलत होत्या. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
या कार्यक्रमास देहूच्या नगराध्यक्षा पूजा दिवटे, माजी नगराध्यक्षा स्मिता चव्हाण, नगरसेविका रसिका काळोखे, पौर्णिमा परदेशी, पूनम काळोखे, सपना मोरे, पूजा काळोखे, प्रियंका मोरे, ज्योती टिळेकर, उपनगराध्यक्ष मयूर शिवशरण, नगरसेवक योगेश काळोखे, प्रवीण काळोखे, योगेश परंडवाल, आदित्य टिळेकर, प्रदीप परंडवाल, सुर्दशन काळोखे, स्वप्निल काळोखे, मयूर गायकवाड, प्रणव काळोखे, रुपेश सोनुने आदी मान्यवर उपस्थित होते. ( Free Saw Work and Sewing Training Classes for Women initiative of Kulaswamini Mahila Manch )
सारिका शेळके म्हणाल्या की, आज महिला प्रत्येक क्षेत्रात कार्यरत आहेत. महिलांना आत्मनिर्भर बनविण्यासाठी अशा उपक्रमांची गरज आहे. या प्रशिक्षणाचा महिलांना लाभ होणार असून त्या सक्षम होतील यासाठी नक्कीच प्रयत्न केले जातील. महिलांनी देखील या प्रशिक्षण वर्गामधून कलाकौशल्य अवगत करावे आणि स्वयंरोजगारासाठी सक्षम व्हावे. देहूमध्ये महिलांसाठी पहिल्यांदाच मोफत व्यावसायिक प्रशिक्षण वर्गाची सुविधा उपलब्ध होणार असल्याने महिलांची उपस्थिती लक्षणीय होती.
अधिक वाचा –
– खालुंब्रे येथे एका खून करून पसार झालेल्या आरोपींना अटक, मावळ तालुक्यातील ‘या’ गावात बसले होते लपून । Pune Crime
– अखेर निवड प्रक्रिया झालीच ! श्री एकविरा देवस्थान ट्रस्टच्या विश्वस्तपदी खासदार बाळ्यामामा म्हात्रे आणि दीपक हुलावळे । Karla News
– भटके, विमुक्तांना आता ओळखपत्र आणि वास्तव्याच्या पुराव्याविना मिळणार रेशनकार्ड ; महाराष्ट्र सरकारचा निर्णय
