Karla News Shri Ekvira Devasthan Trust Election : आग्री-कोळी बांधवांची कुलदैवता आणि राज्यासह देशभरातील लाखो भाविकांचे श्रध्दास्थान असलेल्या कार्ला गडावरील आई श्री एकविरा मातेच्या श्री एकविरा देवस्थान ट्रस्टच्या विश्वस्त पदी महाराष्ट्रातील भाविकांमधून दोन जणांची निवड करायची होती. त्यासाठीची निवड प्रक्रिया आज, शनिवारी (दि. 6 जुलै) पूर्ण झाली. यात कार्ला येथील रहिवासी असलेले भाविक दीपक निवृत्ती हुलावळे आणि कल्याण-भिवंडी येथील भाविक तथा खासदार सुरेश उर्फ बाळ्यामामा म्हात्रे यांची एकमताने निवड झाली. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
कार्ला एमटीडीसी येथे ही निवडणूक प्रक्रिया पूर्ण झाली. यात सातही विश्वस्थांनी दोघांना एकमताने मतदान केले. श्री एकविरा देवस्थान ट्रस्टच्या विश्वस्त पदासाठी महाराष्ट्रातून दोन भाविकांची निवड करण्यात येणार होती. यापूर्वी निवडून आलेल्या सात विश्वस्तांनी या दोन जणांची निवड करायची होती. त्यात सातही विश्वस्तांनी दीपक हुलावळे आणि सुरेश म्हात्रे यांना मतदान केल्याने दोघेही एकमताने विश्वस्त म्हणून निवडून आले. ( Karla News Shri Ekvira Devasthan Trust Trustee Election MP Suresh aka Balyamama Mhatre & Deepak Hulawale Elected )
मावळचे आमदार सुनिल शेळके, गणेश खांडगे तसेच बापूसाहेब भेगडे आदी मान्यवरांनी नवनिर्वाचित विश्वस्तांचा सन्मान केला. ‘महाराष्ट्र शासनाच्या माध्यमातून श्री एकविरा देवस्थानाच्या विकासासाठी महामंडळ स्थापन करण्यात आले आहे. तसेच या ठिकाणी रस्ते, रोप-वे आदी विकास कामे देखील प्रस्तावित आहेत. नूतन विश्वस्त मंडळाने या पुढील काळात एकमताने काम करत या ठिकाणी येणाऱ्या भाविकांना जास्तीत जास्त चांगल्या सुविधा पुरवण्यासाठी प्रयत्न करावेत, स्थानिक लोकप्रतिनिधी म्हणून मी देखील सर्वतोपरी मदत करेल,’ असे आमदार सुनिल शेळके यांनी सांगितले.
या निवड प्रक्रियेमध्ये श्री एकविरा देवस्थान ट्रस्टचे विश्वस्त मारुती देशमुख, नवनाथ देशमुख, संजय गोविलकर, महेंद्र देशमुख, सागर देवकर, विकास पडवळ, वर्षा मावकर यांनी सहभाग घेतला. तर निवडणूक निर्णय अधिकारी म्हणून सुरज पारेचा व सुहास परांजपे यांनी काम पाहिले. दोन विश्वस्त निवडीची ही प्रक्रिया 2023 सालापासून सुरू होती. मात्र विविध न्यायालयीन बाबींमुळे प्रत्यक्ष निवडीला ६ जुलै हा दिवस उजाडला.
अधिक वाचा –
– ‘भारत हा क्रिकेटचा विश्वगुरू असल्याचे संघाने सिद्ध केले’ – मुख्यमंत्री शिंदे ; महाराष्ट्र सरकारकडून विश्वविजेत्या संघाला 11 कोटींचे बक्षीस
– मावळात आपत्ती व्यवस्थापनात मोलाचे कार्य करणाऱ्या ‘वन्यजीव रक्षक मावळ’ संस्थेला मोठी मदत । Talegaon Dabhade
– मावळात लाडक्या बहिणींसाठी शासन गावात येणार ! 103 गावांमध्ये आणि 24 केंद्रांवर स्विकारले जाणार योजनेचे अर्ज, वाचा सविस्तर
