Dainik Maval News : मावळ तालुक्यातील अनेक भागात सध्या मुसळधार पाऊस सुरू आहे. पवन मावळातील डोंगराळ भागात दोन आठवड्यांपासून सोसाट्याच्या वाऱ्यासह जोरदार पाऊस बरसत आहे. यापावसामुळे अनेक ठिकाणी रस्त्यांचे नुकसान झाले असून तुंग गावाजवळील कोळे – चाफेसर येथील रस्ता खचला आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
गेली अनेक वर्षे या गावाकडे जाण्यासाठी पक्का रस्ता नव्हता, परंतु यावर्षी मे महिन्याच्या काळात आमदार सुनिल शेळके यांच्या माध्यमातून 4 कोटींचा निधी उपलब्ध झाला आणि रस्त्याचे काम मार्गी लागले. मात्र, डोंगराळ भाग असलेल्या याठिकाणी अनेक क्षेत्र हे वनविभागाच्या हद्दीत असून वनविभागाच्या ताब्यातील जमीन असलेल्या ठिकाणचा रस्ता पक्का होऊ न शकल्याचे स्थानिकांनी सांगितले. ( Kole Chafesar road in Pawan Maval is in bad condition due to heavy rains )
नेमका याच ठिकाणचा रस्ता आता मुसळधार पावसामुळे खचला आहे. या गावातील नागरिकांसाठी दळणवळणाचा हा एकमेव पर्याय आहे. तिथेच रस्त्याची अशी दुरवस्था झाल्याने नागरिकांना मोठा त्रास सहन करावा लागत आहे. येत्या काही दिवसात जर आणखीन जोरदार पाऊस झाला तर उरलेला रस्ता वाहून जाण्याची भिती देखील येथील नागरिकांना वाटते आहे.
अधिक वाचा –
– मावळ भाजपाचं नेमकं काय सुरूये ? एकाचवेळी ‘विजयी संकल्प’ आणि ‘त्याग’ समर्पणाची भुमिका, कार्यकर्ते देखील ‘कन्फ्यूज’
– आमदार सुनिल शेळके यांनी घेतली ‘तालुकास्तरीय आढावा बैठक’, ग्रामस्थांनी वाचला तक्रारींचा पाढा
– दावे निकाली काढण्यात पुणे जिल्हा राज्यात प्रथम ; राष्ट्रीय लोक अदालतीत १ लाखाहून अधिक दावे निकाली । Pune News
