Dainik Maval News : खोपोली शहरातील शेडवली पाण्याच्या टाकी परिसरात “मियावॉकी पद्धतीने” वृक्ष लागवड अभियानाचा शुभारंभ खोपोली नगर परिषदेचे प्रशासक तथा मुख्याधिकारी डॉ पंकज पाटील यांचे हस्ते वृक्षारोपण करून झाला. खोपोली शहरातील विविध सेवाभावी संस्थाचे पदाधिकारी, खोपोली नगरपालिकेच्या शाळेतील विद्यार्थी, ज्येष्ठ नागरिक आणि विवीध क्षेत्रातील मान्यवरांच्या हस्ते वृक्ष लागवड करण्यात आली. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
मियावॉकी पद्धतीने वृक्ष लागवड ही सध्याची गरज आहे. कमी जागेत जास्त संख्येने झाडांची संख्या वाढविणे ही आगामी काळात करणे आवश्यक असल्याने अश्याच उद्यानांची निर्मिती शहरातील विविध भागात करण्यात येणार असल्याचे प्रतिपादन डॉ पंकज पाटील यांनी केले. वृक्ष लागवडीनंतर त्यांचे संगोपन करण्याकरिता ठिबक सिंचन पद्धतीचा अवलंब करण्यात येईल असे त्यांनी सांगितले. ( Miyawaki method tree planting campaign launched in Shedvali By Khopoli Nagar Parishad )
डॉ साईनाथ अहिर आणि खोपोली नगर परिषदेचे उद्यान पर्यवेक्षक निलेश लोखंडे यांच्या मार्गदर्शनाखाली ही योजना राबवण्यात येणार आहे. या लागवडी करीता 2500 विविध जातीच्या फळ, फुल आणि दुर्मिळ औषधी वनस्पतींची निवड करण्यात आली आहे. यशवंती हायकर्स, अपघातग्रस्तांच्या मदतीसाठी सामाजिक संस्था, खोपोली बॉडी बिल्डर असोसिएशन, ज्येष्ठ नागरिक संघ अशा विविध संस्थांचे पदाधिकारी आणि नागरिकांच्या हस्ते वृक्षारोपण करण्यात आले. उपमुख्याधिकारी गौतम भगळे, विश्वास पाटील, प्रवीण भोई आणि कर्मचारी वर्ग या समारंभात सहभागी झाला होता.
अधिक वाचा –
– मावळ भाजपाचं नेमकं काय सुरूये ? एकाचवेळी ‘विजयी संकल्प’ आणि ‘त्याग’ समर्पणाची भुमिका, कार्यकर्ते देखील ‘कन्फ्यूज’
– आमदार सुनिल शेळके यांनी घेतली ‘तालुकास्तरीय आढावा बैठक’, ग्रामस्थांनी वाचला तक्रारींचा पाढा
– दावे निकाली काढण्यात पुणे जिल्हा राज्यात प्रथम ; राष्ट्रीय लोक अदालतीत १ लाखाहून अधिक दावे निकाली । Pune News
