Dainik Maval News : मावळ तालुक्यातील नागरिकांसह पिंपरी-चिंचवड शहरवासियांची तहान भागविणारे पवना धरण 91 टक्के भरले आहे. पवना धरणात पाण्याची आवक अद्यापही जोरदार सुरू असल्याने पवना धरण जलाशयातून आज (दि. 1 ऑगस्ट) दुपारी 1 वाजता विसर्ग सुरू करण्यात येणार आहे. याबद्दल पवना धरण विभागाकडून नागरिकांसाठी सुचान देण्यात आली असून सतर्क राहण्याचा इशारा देण्यात आला आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
पवना नदी काठच्या सर्व नागरिकांना सूचित करण्यात येत आहे की, पवना धरण सद्यस्थितीत 91 टक्के भरलेले आहे. पवना धरणाच्या पाणलोट क्षेत्रात पावसाचा जोर वाढलेला आहे. पाणी पातळीत आणि धरणाच्या येव्यामध्ये होणारी वाढ विचारात घेता धरणातील पाणीसाठा नियंत्रित करणेकरिता आज (गुरुवार, दि. 1 ऑगस्च) दुपारी 1:00 वाजता पवना धरणाच्या सांडव्यावरून 1800 क्युसेक इतक्या क्षमतेने नदीपात्रात विसर्ग करण्यात येणार आहे. ( Pavana Dam is 91 percent full doors will be opened at 1 pm 3200 cusecs water will be released )
सद्यस्थितीत जलविद्युत केंद्रामधून विदुयतगृहाद्वारे 1400 क्युसेक इतक्या क्षमतेने नदीपात्रात विसर्ग सुरू असून एकुण 3200 क्युसेक इतक्या क्षमतेने नदी पात्रामध्ये विसर्ग होणार आहे. पाणलोट क्षेत्रात होणाऱ्या पावसाच्या प्रमाणानुसार व येव्यानुसार धरणातून नदीपात्रात होणारा विसर्ग पुन्हा कमी/जास्त करण्यात येईल. तरी पवना नदी काठच्या सर्व नागरीकांना सूचित करण्यात येते की कृपया नदीपात्रात कोणीही उतरू नये आणि नदी मधील पाण्याचे पंप, नदी काठचे शेती अवजारे व तत्सम साहित्य अथवा जनावरे असल्यास तात्काळ हलविण्यात यावेत. सखल भागातील संबंधित नागरिकांना सूचना देण्यात याव्यात, सर्वांनी योग्य ती खबरदारी व दक्षता घेत जलसंपदा विभागास/प्रशासनास सहकार्य करावे, असे आवाहन करण्यात आले आहे.
अधिक वाचा –
– वर्षाला 3 गॅस सिलिंडर मोफत देणारी ‘मुख्यमंत्री अन्नपूर्णा योजना’ नेमकी काय ? कुणाला मिळणार मोफत सिलिंडर? वाचा सविस्तर
– शेतकऱ्यांची संपूर्ण कर्जमाफी करा, अतिवृष्टीमुळे झालेल्या नुकसानीची भरपाई द्या ; मावळ तालुका काँग्रेसचे तहसीलदारांना निवेदन
– BREAKING : लोहगड – धालेवाडी जवळील डोंगराला भेगा, भूस्खलन होण्याची शक्यता, ग्रामस्थ भयभीत, प्रशासनाकडून पाहणी
