Dainik Maval News : गड-किल्ले जागतिक वारसा स्थळ नामांकन जनजागृती मोहिमेत ग्रामपंचायत, शाळा यांना सहभागी करून घेण्यासाठी विविध उपक्रम राबविण्यात येत आहेत. याच पार्श्वभूमीवर जिल्हास्तरीय व तालुकास्तरीय शालेय गड किल्ले बनविणे स्पर्धांच्या निमित्ताने मावळ तालुक्यातील कुसगाव बुद्रुक जिल्हा परिषद शाळेतील विद्यार्थी, शिक्षक व ग्रामस्थांनी छत्रपती शिवाजी महाराजांच्या पराक्रमाची साक्ष देणाऱ्या ‘किल्ले राजगडाची’ आकर्षक व ऐतिहासिक वारसा दाखवणारी प्रतिकृती तयार केली. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
तसेच याठिकाणी गाव व शाळा स्तरावर राबविलेले अभिनव उपक्रम, त्याचा सुंदर माहितीपट, पुरातन दगडी वस्तू,भांडी, पारंपारिक जुनी नाणी, नोटा, शस्त्रांचे प्रदर्शन तसेच गड किल्ले जतन व संवर्धन यासाठी राबवलेले अभिनव उपक्रम अतिशय उत्तमरित्या दाखविले आहेत. या प्रदर्शनाला आमदार सुनील शेळके यांनी देखील भेट देऊन सर्व उपक्रमांची माहिती घेतली. ( villagers and students made a magnificent replica of the fort Rajgad At Kusgaon Budruk Maval )
छत्रपती शिवाजी महाराजांच्या राज्यकारभारात गडकिल्ल्यांना विशेष महत्त्व होते. हे अभेद्य किल्ले आजही जाज्वल्य इतिहासाची साक्ष देत दिमाखात उभे आहेत. या ऐतिहासिक वारसांचा इतिहास पुढील पिढीपर्यंत नेण्यासाठी असे उपक्रम राबविले पाहिजेत, असे मत आमदार सुनील शेळके यांनी व्यक्त केले. यावेळी भरत येवले, दीपक हुलावळे, राजश्री राऊत, बाळासाहेब भानुसघरे, मारुती देशमुख, संतोष राऊत, कुसगाव ग्रामपंचायत सदस्य, शिक्षक वर्ग, विद्यार्थी आणि ग्रामस्थ उपस्थित होते.
अधिक वाचा –
– ‘रात्री 11 वाजता मी भाजपात होतो आणि सकाळी 11 वाजता..’, आमदार शेळकेंनी सांगितला 2019च्या तिकीटाचा घटनाक्रम
– लोणावळ्यात दिसली सामान्यांची ताकद, आमदार शेळकेंसह सर्वपक्षीयांचा सहभाग, मुख्याधिकाऱ्यांना पाठवलं रजेवर । Lonavala Nagar Parishad
– यावेळी सव्वा लाखाहून अधिकचे मताधिक्य मिळणार ; आमदार सुनिल शेळके यांच्या दाव्यामुळे विरोधकांचे धाबे दणाणले । MLA Sunil Shelke