Dainik Maval News : मागील अनेक महिन्यांपासून रिक्त असलेल्या पंचायत समिती मावळ येथील गटविकास अधिकारी पदावर आता नवीन नियुक्ती करण्यात आली आहे. गेली अनेक महिने रिक्त राहिलेल्या या प्रमुख पदावर पंचायत समिती लोहा (जि. नांदेड) येथील गट विकास अधिकारी के. के. प्रधान यांची बदली करण्यात आली आहे. ग्राम विकास विभागाने याबाबतचा आदेश काढला आहे.
मावळचे सध्याचे प्रभारी गटविकास अधिकारी सुधीर भागवत यांची काही महिन्यांपूर्वीच बदली झाली होती. परंतु नवीन अधिकाऱ्यांची नियुक्ती झाली नसल्याने भागवत हेच येथे प्रभारी म्हणून कार्यभार पाहत होते. परंतु आता पंचायत समिती मावळ करिता नवीन गट विकास अधिकारी नियुक्त करण्यात आले आहेत.
ग्राम विकास विभागाने काढलेल्या शासन आदेशा प्रमाणे लोहा तालुक्यात कार्यरत असणारे के. के. प्रधान हे मावळ पंचायत समितीत गट विकास अधिकारी म्हणून रुजू झाले आहेत. तर आतापर्यंत प्रभारी म्हणून कार्यभार सांभाळणारे माजी गट विकास अधिकारी सुधीर भागवत हे मुळशी येथे बदली होवून गेले आहेत.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– आता ग्रामसेवक आणि ग्रामविकास अधिकारी हे एकच पद ; ग्रामपंचायतींना 15 लाखांपर्यंतची विकासकामे करण्याचा अधिकार
– महाराष्ट्र शिक्षक पात्रता परीक्षेसाठी 30 सप्टेंबर पर्यंत अर्ज करण्याचे आवाहन, पाहा वेबसाईट । Pune News
– संत ज्ञानेश्वर महाराज पालखी महामार्गाच्या हद्दीतील अतिक्रमणे काढून घेण्याचे आवाहन । Pune News
