Dainik Maval News : ‘मुख्यमंत्री माझी लाडकी बहीण’ योजनेचा जास्तीत जास्त माता-भगिनींना लाभ मिळावा यासाठी मोठ्या प्रमाणात जनजागृती करण्यात आली. विविध ठिकाणी नोंदणी केंद्रे उभारुन योजना प्रभावीपणे मावळ विधानसभेत राबविण्यात आली. त्यामुळेच तालुक्यातुन आतापर्यंत 1 लाख 3 हजार 178 भगिनी योजनेसाठी पात्र ठरल्या आहेत, अशी माहिती मावळ विधानसभेचे आमदार तथा मुख्यमंत्री माझी लाडकी बहीण योजना समितीचे अध्यक्ष सुनिल शेळके यांनी दिली.
मावळ विधानसभा मतदारसंघातील मुख्यमंत्री माझी लाडकी बहीण योजनेची सद्यस्थिती व आढावा घेण्यासाठी मावळ तहसील कार्यालयात बैठक संपन्न झाली. बैठकीच्या अध्यक्षस्थानी आमदार सुनिल शेळके होते. त्यावेळी त्यांनी ही माहिती दिली. बैठकीस मावळचे तहसीलदार विक्रम देशमुख, हवेलीचे तहसीलदार जयराज देशमुख, गटविकास अधिकारी सुधीर भागवत, एकात्मिक बाल विकास अधिकारी विशाल कोतागडे, वडगाव नगरपंचायत मुख्याधिकारी प्रवीण निकम, देहू नगरपंचायत मुख्याधिकारी निवेदिता घाडगे, तळेगाव दाभाडे नगरपरिषदेच्या उप मुख्याधिकारी ममता राठोड, तसेच मावळ विधानसभेतील इतर अधिकारी उपस्थित होते.
आमदार शेळके पुढे म्हणाले, काही भगिनींचे अर्ज अपूर्ण माहिती, अर्धवट कागदपत्रांची पूर्तता तसेच इतर योजनांचा लाभ मिळत असल्यामुळे पात्र ठरल्या नसतील. तसेच ज्या महिलांची सर्व कागदपत्रे असुनही अर्ज योग्य ठिकाणी भरले नसल्यामुळेच लाभ मिळाला नसेल. त्यांनी अंगणवाडी सेविका यांच्याकडे किंवा अधिकृत केंद्रांवरच अर्ज भरणे आवश्यक होते. मावळातुन जास्तीत जास्त महिलांना या योजनेचा लाभ मिळाला याबद्दल समाधानी आहे.
यावेळी आमदारांनी बैठकीत पडताळणी केलेले अर्ज, मंजूर झालेले अर्ज याची सविस्तर माहिती घेतली. अंगणवाडी सेविका व प्रशासन स्तरावरील कर्मचाऱ्यांशी संवाद साधून त्यांना येणाऱ्या अडचणी व समस्या जाणून घेतल्या. महायुती सरकारच्या माध्यमातून महिलांना आर्थिक दृष्ट्या सक्षम करण्यासाठी ही योजना आहे. या योजनेच्या लाभापासून आपल्या तालुक्यातील कुठलीही पात्र महिला-भगिनी वंचित राहू नये, यासाठी प्रशासनाने सर्वतोपरी काळजी घेतली आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– हिंदू राष्ट्र सेना संघटनेची मावळ तालुका कार्यकारिणी जाहीर, धनंजयभाई देसाई यांची प्रमुख उपस्थिती । Maval News
– महाराष्ट्रातील 11 गडकिल्ल्यांवर एकाचवेळी स्वच्छता मोहीम ; युनेस्कोचे शिष्टमंडळ करणार गडांची पाहणी । Maval News
– पुणे ते बंगळुरू बायपास मार्गावरील वाहतूक कोंडी सुटणार ! नितीन गडकरी यांचा मेगा प्लॅन, चंद्रकांत पाटलांनी दिली माहिती
