Dainik Maval News : मावळ तालुक्यात सध्या भात कापणीला वेग आला आहे. दिवाळीपासूनच तालुक्यात भात कापणीचा हंगाम सुरु झाला असून पावसाने उघडीप दिल्याने शेतकरी भाताची कापणी आणि झोडपणी करुन भात घरी घेऊन जाण्यास प्राधान्य देतत आहेत.
मजूर टंचाइमुळे शेतकरी बांधव सध्या कुटुंबीयांना घेऊनच भात कापणी करताना दिसत आहे. शेतकरी कुटुंबातील सर्व सदस्य कापणी, झोडणी, मळणी आणि बांधणीच्या कामाला लागले आहेत. यात नोकरीनिमित्त शहरात गेलेले कुटुंबातील तरुण सदस्य देखील खास सुट्टी काढून शेतीच्या कामासाठी गावी आले दिसत आहेत.
अनेक शेतकरी बांधव मजूर मिळत नसल्याने यंत्राच्या सहाय्याने आपली कामे जलदगतीने आटोपून घेत आहेत. काही शेतकरी पारंपरिक पद्धतीला बाजूला सारत यंत्रसामुग्रीचा वापर करत आहेत. यात श्रम, वेळ व पैसा बचत होत आहे. मळणी काढण्यासाठी भल्या पहाटे शेतात दाखल होत आहेत.
हल्ली शेतकरी शेतात ताडपत्री टाकून भात झोडणी करतात. परंतु अनेक गावांत आजही पारंपारिक खळे दिसून येते. ग्रामीण भागात आजही खळ्यांवर मोकळ्या आकाशाखाली भात झोडणीची कामे होत आहेत. खळे अर्थात भाताची झोडणी करण्याची जागा ही मावळमधील कृषी व्यवस्थेतील एक प्रमुख घटक आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– ‘महायुतीचा उमेदवार असताना अपक्ष उमेदवाराला पाठिंबा देणे म्हणजे राजकीय आत्महत्या’
– आमदार सुनिल शेळके यांच्यासह दोघांवर गुन्हा दाखल, रात्री दहानंतर प्रचार फेरी काढल्याने गुन्हा । Mla Sunil Shelke
– बापूसाहेब भेगडे यांच्या गाव भेटीत तरुण कार्यकर्ते, जेष्ठ नागरिक व महिलांचा मोठा प्रतिसाद । Bapu Bhegade
